GŨTAARĨĨRIA BIUGO BIA BIBIRIA

Gũtumĩra Kĩewa Gĩaku kĩa ‘Gĩkĩrundu’

Twinthe nĩtwĩkagĩrwa inya rĩrĩa twatumĩra ĩgiita na ataana na aarĩ ba baaba. Ĩndĩ nĩkenda tũgunĩka kuumania na magiita ta jau, bũtĩngʼani akĩ kwĩthĩrwa tũrĩ amwe. Bibiria ĩtaarĩĩragia ũũmbi bwetũ bwa gwĩkanĩra inya wĩtĩkione ta kĩewa kĩa ‘gĩkĩrundu.’ (Aro. 1:11, 12) Nĩatĩa tũũmba gũtumĩra kĩewa kĩu bwega nkũrũki?

Tumĩra biugo biaku gwĩkĩra bangĩ inya. Ngerekano, rĩrĩa tũgũcokia mĩcemanione, antũ a kwaria mono jarĩa tũkũthũgaania, nĩbwega twarie bwegie Jehova, Rũteto rwawe, na atumĩkĩri baawe etĩkua. Na rĩrĩa ũrĩ amwe na athathayia bangĩ, aria mantũ ja kũbekĩra inya.

Ĩkĩra bangĩ inya gũkũrũkĩĩra matua na mathithio jaaku. Ngerekano, bamwe nĩbathuurĩte gũtumĩkĩra Jehova ĩgiita rĩonthe kinya kethĩra nĩbagũkũrũkĩĩra mantũ jamoomũ. Bangĩ nĩbaciũmagia kwĩja mĩcemanione ya gatĩgatĩ ga kiumia na wĩthĩre kinya baajĩĩtue kana banogi tontũ bwa ngũgĩ.

Rĩ, nwĩkagĩra ataana na aarĩ ba baaba inya gũkũrũkĩĩra biugo na mathithio jaaku? Rĩ, nũciũkagĩrwa nĩ mantũ jarĩa ataana na aarĩ ba baaba bakwĩraga na gũkũthithĩria bagwĩkĩra inya?