Mantũ Jagũgũtethia Ũthoma Bibiria Ntukũ Cionthe

Rĩ, kwĩthĩrwa na mantũ jamaingĩ ja kũthithia nĩgũtũmaga ũremeerwa kũthoma Bibiria ntukũ cionthe? (Jos. 1:8) Kethĩra nĩu, tumĩra mendekitha jaja:

• Ĩĩka gĩntũ kĩa gũkũriikania. Ĩĩka thimũ yaaku ũrĩa ĩgakũriikania.

• Ĩĩka Bibiria yaaku antũ arĩa ũkũmĩona. Kethĩra ũtumagĩra Bibiria ĩcabithĩtue, mĩĩke arĩa ũũmba kũmĩona ntukũ cionthe.—Kur. 11:18

• Tumĩra rekondi cia kũthikĩĩra. Thikĩĩra rekondi cia ũthomi bwa Bibiria ũrĩ ngũgĩne ciaku cia o ntukũ. Mwarĩ wa baaba ũgwĩtwa Tara, ũrĩa nĩ Painia na mũciari ariuga, “Kũthikĩĩra rekondi cia ũthomi bwa Bibiria nĩgũntethagia ntĩgatĩĩrie kũmĩthoma.”

• Menya ũkua nkoro. Kethĩra ũkangaratanua nĩ mantũ jatĩĩrĩgĩĩri, thoma mĩstaarĩ ĩmĩkai mbere ũmaama. Ũkagunĩka mono kinya wathoma mĩstaarĩ ĩmĩkai akĩ o ntukũ.—1 Pet. 2:2.