MŨTŨŨRĨRE JWA GĨKRISTŨ
Aciari—Ritaneni Aana Beenu Ũrĩa Bomba Gũtũma Mũrungu Agwĩrua
Jehova nonaga aana barĩ ba gĩtũmi mono. Nonaga ũrĩa bagwĩta na mbere gũkũra gĩkĩrundu na kinya kũmĩĩria kwao. (1Sam 2:26; Lu 2:52) Kinya kethĩra nĩbaniini mono, bomba gũtũma nkoro ya Jehova ĩkagwĩrua gũkũrũkĩĩra mathithio jaao. (Nju 27:11) Gũkũrũkĩĩra ũthũranĩri bwawe, Jehova naritĩte into bibiega mono bia gũtethia aciari kũritana aana baao kwenda na kwathĩkĩra Jehova.
TEGA VIDIO AANA—KŨMĨĨRIA KWENU NĨGŨTŨMAGA JEHOVA AGWĨRUA! NA RĨU ŨCOOKIE BIŨRIA BIBI BITHINGATĨTE:
Nĩ ũtethio na ũtongeeria bũrĩkũ Jehova aete aana ĩgiitene rĩa mĩaka ĩmiingĩ ĩrĩa ĩkũrũkĩte?
Nĩ into birĩkũ bia rua bithuranĩri bia gũtethia aciari?
Kethĩra ũrĩ muntũ ũmwĩthĩ, nĩmbi Jehova akũete ya gũkũguna, na nĩkĩ?