MŨTŨŨRĨRE JWA GĨKRISTŨ
Aciari—Tethieni Aana Beenu Kwĩthĩrwa na Ũũme Kuuma Kĩrĩ Mũrungu
Njĩra ĩmwe ĩnjega ĩrĩa aciari bomba gũtethia nayo aana bao kwĩthĩrwa na ũũme kuuma kĩrĩ Mũrungu, nĩ kũbatethia kũgunĩka kuumania na mĩcemanio ya Gĩkristũ. Jarĩa aana bakwona na bakaigua mĩcemanione, na jarĩa bakuuga macookione jaao jomba kũbatethia kwiritana bwegie Jehova na bakaa acoore baawe ba akuĩ. (Maa 31:12, 13) Kethĩra ũrĩ mũciari, nĩatĩa ũũmba gũtethia mwana waaku kũgunĩka buru kuumania na mĩcemanio?
Ciũmie buru gwĩta mĩcemanio Nyombene ya Ũnene.—Zab 22:22
Ĩthĩrwa na kaanya na atana na aarĩ ba baaba mbere na nyuma ya mũcemanio.—Ahi 10:25
Tigĩĩra o muntũ wa nja yaaku arĩna mauku jarĩa jagatumĩrwa mĩcemanione, kwĩthĩrwe nĩ thimũne kana jacabithĩtue
Tethia mwana waaku kũthuranĩra ĩcookio na biugo biawe wengwa.—Mat 21:15, 16
Aria mantũ jameega jegie mĩcemanio na jarĩa tũkwiritana kuumania nayo
Tethia aana baaku kwiritĩra gũtethia ngũgĩ mwanya mwanya ta kũtheria Nyomba ya Ũnene, na kinya kwaranĩria na barĩa barĩna ũkũrũ bũbũnene kĩũthũranone
Gũtethia aana baaku gukuĩĩria Jehova nĩgũkũbatara ngũgĩ ĩnyingĩ na magiita jamwe muntũ no aigue akĩremerwa. Amwe na ũu, ĩthĩrwa na ũmma atĩ Jehova agagũtethia.—Isa 40:29.
TEGA VIDIO BŨRĨ ACIARI, ĨRĨGĨĨRENI JEHOVA NA INYA YAAWE, NA RĨU ŨCOOKIE BIŨRĨA BIBI BITHINGATĨTE:
Nĩatĩa gwakarĩkaga rĩrĩa Zack na Leah baigagua banogi?
Nĩkĩ aciari babuĩrĩte kwĩrĩgĩĩra Jehova nĩkenda abaa inya?
Nĩ njĩra irĩku Zack na Leah boonanĩrie nacio nĩ bakwĩrĩgĩĩra Jehova abateethia?