Tuleñi Twazatishileñawu Antu Kunyima Hakukwata Inshi

Antu atañaña Bayibolu eluka nawu atumbanji twaYesu amakwawu adiña ayibinda anshi. (Maku 1:​16-20) Azatishileña tuleñi neyi anayi nakukwata inshi haKaluñalwiji kaÑaliliya.

Tuleñi twanshi atutuñileña nawanda wakushinta wapikwileñawu nakutuñamu chuma chamesu-mesu. Neyi chibinda nakukeña kukwata inshi janyanya, wazatishileña kaleñi kakweti mesu anyanya, nawa neyi nakukeña kukwata inshi jamaneni, wazatishileña kaleñi kakweti mesu amaneni. Kutuleñi twanyanya akasilileñaku malola alema hakwila nawu tunekami mumenji, ilaña kutuleñi twamaneni kwishina kwadiña yuma yalema nawa kwiwulu kwadiña malela aletesheleña tubuleña kunekama.

Tuleñi twadiña nawuseya chikupu. Twakisikileña neyi tukoba mumalola adiña heshina dakaluñalwiji nawa twatabokeleña neyi mufwa inshi jajivulu nankashi. (Luka 5:6) Bayibolu yahosha nawu aYakoba naYowanu “[achimekeleña] tuleñi twawu,” hadaha azatishileña ndoñu niwanda wakushinta. (Mat. 4:21) Ayibinda anshi awahishileña tuleñi twawu chafumawu hohu nakutuzatisha. Luka niyena wayilumbulula ayibinda anshi nindi “adiña nakukosa tuleñi twawu” hakwila nawu afumishiku majilu. (Luka 5:2) Kuhiñahu, ayibinda anshi anyikileña tuleñi twawu kulonda tubuli kutoka swayi.—Ezek. 47:10.

Yesu watambikili antu elukili chakuzatisha chiwahi tuleñi kulonda ekali “ayibinda awantu.”