Neyi Chadiñayi Obadiya, Mutiyenuña Nzambi Woma

Obadiya wadiña ñamba mwitala damwanta watama Ahabi, nyuuli wetejeli yilwilu yatama yakudifukula kudi Bayali yitaandi muIsarela. Hela chochu, Obadiya wamutiyileña Yehova woma ‘kufuma kuwansi windi.’ (1 Anya. 18:​1-13) Dichi chelili Mwadi Yezebeli ahani lushimbi lwakwila nawu atuprofwetu aYehova ejima ayijahi, Obadiya welukili nindi wateleli kwikala wahamuka hakwila akañeshi ichi chuma chatama kumwekana. Kusweka hohu kaprofwetu wumu kwashileña wumi wamuntu muwubanji; ilaña, Obadiya waswekeli atuprofwetu 100 nawa wayinkeleña yakuda hampinji yikwaholokeli nzala yeneni! Fwikijenu chichamukalilili kwila mwenimu hakwila nawu abuli kumwiluka kudi atuprofwetu akutwamba akalakeleleña mwanta nimwadi.—1 Anya. 18:19.

Yumanyi yitunateli kudizila kudi iwu iyala wamutiyileña Nzambi woma? Hela chakwila Obadiya wamuchiinineña Ahabi, ilaña wamutiyileña Nzambi woma nankashi. Chumichi chamuletesheli ahamuki nakusha wumi windi muwubanji kulonda yakiñi amanakwindi. Neyi kudifukula kwalala anakulekeshi mwiluña mutwashakamaña, ninetu tunateli kutachika kumutiya Nzambi woma chikupu. Iwu woma wunateli kutwinka ñovu yakukwasha amanakwetu niahela anakumona kukala.