Manakweyi niYena Amufwilili kudi Yesu

Yesu walambwili wumi windi kukoola antu abula kuwanina. (Rom 5:8) Chakadi nikujina, wejima wetu tweluka netu Yesu wamwekesheli kukeña kwindi kudi etu hakuhana wumi windi kukoola etu. Hela chochu, mpinji yikwawu twatela kwanukaña netu amanakwetu niwena ayifwilili kudi Kristu. Tunateli kumwekesha ñahi kukeña neyi Kristu kudi amanakwetu niahela abula kuwanina neyi etu? Tuhanjekenu hanjila jisatu. Yatachi, twatela kukeña antu ejima kushilahu tuhu ninana itwambuka nawu nkulilu. (Rom 15:7; 2Ko 6:12, 13) Yamuchiyedi, tunateli kutondolwela kuhosha hela kwila chuma chinateli kuneñesha akwetu. (Rom 14:13-15) Yamuchisatu, neyi mukwetu yatuvulumuna, tunateli kumwanakena swayi-swayi. (Luk 17:3, 4; 23:34) Neyi tuzata nañovu kumwimbujola Yesu, Yehova wukukiswilaña chipompelu nawa mukwikala kuwunda nikunuñañana.

TALENU VIDIYO YAIKALENU ASWEJA LUBANJI, KUHIÑAHU AKULENU MALWIHU ANALONDELIHU:

• 

  Miki wamweneña ñahi chipompelu hatachi?

• 

  Chumanyi chamukwashili kuhimpa yitoñojoka yindi?

• 

  Chakutalilahu chaYesu chamukwashili ñahi Miki kuhimpa yitoñojoka yindi? (Mak 14:38)

• 

  Nsona ya Yishimu 19:11 yinateli kutukwasha ñahi kubula kusha maana hayiluwa yawamanakwetu?