Komana Mwatalaña Mpinji Yejima Habodi Halamikañawu Nsañu?
Aeluda, ankoñi akuzatila niamakwawu akweti nyidimu muchipompelu atalaña mpinji yejima habodi halamikañawu nsañu kulonda eluki neyi adi namudimu. Hela chochu, antu ejima muchipompelu anateli kuwana nsañu yalema habodi. Muneluki ifuku dimwakawahishaña Itala daWanta? Komana chipompelu chenu anachitemesheli nsañu yalema kudi nkoñi wañinza hela kasanji kamutayi? Muneluki mutu wampanji yawantu amavulu yawunu mulungu kulonda mutambiki kadizi wenu waBayibolu? Komana anahimpi ndandanda yakupompa hela izanvu denu damudimu wamwiha? Nsañu yeniyi hiyayibidikaña hampinji yakupompaku, nawa aeluda hiyakutwesha kuyileja akwakushimwina ejima hamuntu hamuntuku. Dichi dinu, twatela kutalaña mpinji yejima habodi halamikañawu nsañu. Neyi tutalañahu mpinji yejima, yuma yejima akuyila ‘chatelela nakuloña.’—1 Kor. 14:40.