Nsañu Yinaloñesheliwu Antu Anenzi naKupompa

ATULAMA Atulama anayinki mudimu wakuyikwasha. Mwani zatilenu nawu hamu kuhitila mukulondela yuma yinakuyilejawu sweje-e hakwimika nyotoka, kuleja antu kwakwiñilila nikwakwidikila, kukwatila hakushakama niyuma yikwawu.

CHIPAPATISHU Yitwamu yinahembeliwu anakupapatishewa yatela kwikala mwizaza kumbidi yebulu, chiña hohu neyi kudi kuhimpika. Anakupapatishewa atela kushakama heluña dinayiloñesheliwu henohu mpanji yachipapatishu kanda yitachiki hefuku Damuchiyedi naNtetemena. Wejima wawu atela kusenda tawelu niyakuvwala yatelela yakumupapatisha nachu.

YAWAANA Anazatishi mali amavulu hakwila aloñeshi hakushakama, yihoshelu, yozelu yakutalilahu mavidiyo niyuma yikwawu yazatishañawu hakwila kupompa kwendi chiwahi nawa kutukwashi kukolesha wubwambu wetu naYehova. Yawaana yimwahanaña diyazatishañawu nikukwasha nachu mudimu wamukaayi kejima. Hakwila chiyipeleliku, yikasha yakwinkamu yawaana hakusoneka chiwahi anayishi mumaluña ejima. Munateli cheñi kuhana yawaana kuzatisha jw.org hanasonekiwu nawu donate. Izanvu Dalombolaña dahamekaña hayawaana yimwahanaña yakukwasha nachu mudimu waWanta.

FIRST AID Mwani ilukenu nenu iyi dipatimenti yazatilaña hohu hakukala kunamwekani mukukasumwisha.

YUMA YINAJIMBALI NIKWAKUYIWANA Yuma yejima yimunawani yimunabuli kwiluka mwiniyu yitwalenu kuDipatimenti yahembaña Yuma Yinajimbali. Neyi munajimbeshi chuma, yenu kuniyi dipatimenti kulonda mwakakeñeliku yuma yenu. Anyana anawomboloki anvwali jawu nawa anajimbali mwatela kuyitwala kuniyi dipatimenti. Ilaña dinu, bayi mukimona neyi hikapeka kakuhembela anyanaku, mwani hembenuña anyanenu nawa shakamenuña nawu.

YITWAMU Mwani toñojokelenuku akwenu. Anukenu nenu, mwatela hohu kuhembela yitwamu antu imudi nawu mumotoka hela antu imwashakamaña nawu itala dimu hela imunakudiza nawu Bayibolu. Mwani bayi musha yuma hayitwamu yimunabuli kukwatilaku.

MUDIMU WAKUDIKEÑELA Neyi munakukeña kudihana kulonda muzatiku nyidimu yidi heluña dakupompela, mwani yenu kuniyi dipatimenti.

Anakuloñeshi kudi Izanvu Dalombolaña dawaYinsahu jaYehova