Yuma yikuyikwasha kutiyisha nsañu yidi muniku kudiza Bayibolu
Chatachi talenu yuma yidimu, kuhiñahu vumishenu VIDIYO.
CHIBALU CHATACHI
Hakuloñesha kudiza-hikudiza, tañenu chibalu chatachi. Malwihu adi muwulombu watamuka (A) ninsona (B) jinakukonkomwena hayikuma yamaneni. Nsona jikwawu anajisoneki nawu “tañenu.”
CHIBALU CHAHAKACHI
Mazu atachi (C) adi hanasonekiwu nawu Sandujolenu Chikupu anashimuni yinalondelihu. Nyitu yanyanya (D) yinashimuni yuma yimukuhanjeka. Tañenu jinsona, akulenu malwihu nawa talenu mavidiyo hamu nantañishi yenu.
Hakwila muwani iyi VIDIYO, ilenu sikani koodi hela yenu mumukanda waMunateli Kwikala naMuzañalu Haya Nyaaka! ha jw.org/lun
Hanjekenu hanyevulu nimazu anakulumbulula nyevulu (E), nawa toñojokenu chimukwakula hanasonekiwu nawu Amakwawu Ahoshaña Nawu (F).
CHIBALU CHAKUKUMISHAKU
Yuma Yimunadizi niKuhitulukamu (G) diyinakunkululi kudiza. Sonekenu ifuku dimunamanishi kudiza. Yuma Yimukwila (H) yikuyikwasha kwiluka yuma yimwatela kuzatilahu. Ilukilenuhu Nsañu Yikwawu (I) mudi nsañu yimwatela kutondahu kuyitaña, hela mavidiyo imwatela kutala.
Yuma Yidimu
|
|
|
|
|
Chakuwana mavasi amuBayibolu
MuBayibolu yejima mwekala nyikanda 66. Ayambula muyibalu yiyedi: Nsona jachiHeberu nijachiAramayiki (“Chitiyañenu Chachikulu”) niNsona jawakaKristu jachiGiriki (“Chitiyañenu Chachiha”).
Neyi nsona anayiteni mukunu kudiza, mukuwana anayisoneki nejina damukanda wamuBayibolu (A), halondela kapetulu (B), kuhiñahu vasi hela mavasi(C).
Chakutalilahu, Yowanu 17:3, dikwila nawu anakutena mukanda waYowanu, kapetulu 17, vasi 3