KUDIZA 15

Amabwambu zha Nzambi Elaña Yuma Yayiwahi

Neyi wudi nebwambu deyi yiwakomokaña nawa yiwalemeshaña, esekaku kumwimbuzhola. Bayibolu yahosha nawu: “Yehova himuwahi, woloka.”. (Masamu 25:8) Hakwikala amabwambu zhaNzambi, twatela kwikala amawahi nawa oloka. Bayibolu yahoshaña nawu: “Ikalenu akwakwimbuzhola Nzambi, neyi anyana akeñewa, endenu nakukeña.” (Aefwesesa 5:1, 2) Hanu hadi zhinzhila zhakwililamu ichi:

Ikalaku mukakukwasha akwenu. “Twilenuña antu ezhima chachiwahi.”—Añalija 6:10.

Zataku nañovu. “Muntu wadiña ikombi, kwiya nawa cheñi chinzhila; akalakali mudimu wawuwahi namakasindi.”—Aefwesesa 4:28.

Hembaku muzhimba ni yililu yeyi yakadi mazhilu. “Tuditokeshenu kutama kwamuzhimba nikwaspiritu; tukoleshenu kuzhila nawoma waNzambi.”—2 Akorinda 7:1.

Hembaku chisaka cheyi nakukeña nikavumbi. “Ninenu ezhima, keñenu añodi zhenu, . . . neyi chimwadikeñaña enu aweni; nimumbanda aakamaña nfumwindi. Enu anyana, ovwahilenuña anvwali zhenu.”—Aefwesesa 5:33–6:1.

Mwekeshaku kukeña kudi antu acheñi. “Tukeñañanenu; muloña kukeña kwambala kwaNzambi.”—1 Yowanu 4:7.

Ovwahilaku nshimbi zhetuña. “Antu ezhima ovwahili [nfulumendi] . . . Inkenu antu ezhima yatela kuyinka, akwanyombu yinkenu nyombu yawu.”—Aroma 13:1, 7.