Kava yaKunyima
HISAKA hichuma chelukewa nawa chinashimbuli nankashi muchihandilu chawantu, ilaña chidi mukukala makonu. Hamuloña wakuvula kwayuma yinakufwisha mutentu yidi neyi atwansi anakuzatisha yitumbu chatama, wuvumbi, kusweja kudiseña nimadombu muyisaka, nikuvula kwayisaka yawanvwali ajiki, nikukala kukwawu kweneni kunakuleñela antu kujinooka neyi chakwila yisaka yamba kanuñañana.
Komana chisaka chinateli kunuñañana, mwatela kuwanika antu anakudakamena nikudikiña nikudikolesha? Eña, chumichi chinateli kuzatika neyi ejima akwiluka chuma chacheni chaletaña muzañalu muchisaka. Chuma chaletaña muzañalu muchisaka chajimbanyika wanyi. Chumichi anachizatishi hadi yaaka yayivulu nawa chinakuzatika chiwahi. Hichumanyi? Awunu mukanda waChakwikala naMuzañalu muChisaka, wunakuli ilu lwihu. Wunashimuni cheñi yakutalilahu yayiwahi kutalisha ‘hachuma chaletaña muzañalu’ chinateli kuyikwasha kumanisha kukala kwamwekanaña muchisaka. Makonu, kudihu muntu wukubula kukeña nsañu yamuchidiwu?