MIKA
1 Izu daYehova denjili kudi Mika*+ wakuMoresheti, mumafuku aYotamu,+ Ahazi+ niHezekiya,+ anyanta amuYuda,+ datambwililiyi muchimwenu kutalisha hadi Samariya naYerusalema nawu:
2 “Tiyenu, enu antu ejima!
Eyi iseki niyuma yenzalamu, tiyililenu,
Nawa Yehova Mwanta Wabadika ekali chinsahu wakuyikonkolola,+
Yehova mutembeli yindi yajila.
3 Muloña tiyenu! Yehova nakwidika mwiluña dindi;
Wakasuluka nakudatola yinañanaña yahamaseki.
4 Mapidi akasuñunuka mwishina dindi,+
Nawa yinekineki yakaambuka
Neyi nsela yidi kukesi,
Neyi menji anechiliwu kwakunkumuka chikupu.
5 Yuma yejimiyi yinenzi muloña wakudikaña kwaYakoba,
Muloña wanshidi jawantu amwitala daIsarela.+
Indi kudikaña kwaYakoba dikudihi?
Komana hiSamariyaku?+
Indi yinañanaña yaYuda diyidihi?+
Hidiyi Yerusalemaku?
6 Nakamubalumuna Samariya akekali mulumba wayuma yinakisiki mwisaña,
Iluña dakudimahu matempa anyivinyu;
Nakanatila* malola indi muchinekineki,
Nawa nakashiya yikuku yindi hatooka.
7 Ankishi jindi ejima akubaza akayichika chiki-chiki,+
Nakakisañana ankishi jindi ejima.
Muloña wayisendeli nawufwetu wamuwuvumbi,
Nawa akekala cheñi wufwetu wawayivumbi.”
Makumbu ami akatiyakana neyi awanyumbu,
Nawa kudila kwami neyi kwawanyamalanda.
Chipupu chinataandi kushika nikuchiisu chawantu jami, kuYerusalema.+
10 “Bayi muchibidika muGatiku;
Bayi mudila hela chantiku.
Mudivubi mulunkuñu muBeti Afira.*
11 Enu mwashakama muShafiri, hitenu nzekesi nawa nansonyi.
Antu ashakama muZayanani hiyanedikiku.
MuBetezeli mwakekala makumbu, nawa wakaleka kuyikwasha.
12 Muloña antu ashakama muMaroti ahembelelaña yuma yayiwahi,
Ilaña yuma yatama diyinafumi kudi Yehova nakuya kuchiisu chaYerusalema.
13 Enu mwashakama muLakishi, kasenu ikalu kumukanka watuwalu.+
Nshidi yamwana kaZiyona wamumbanda yafumini kudi enu.
Muloña mudi enu dimwawaniniwu kudikaña kwaIsarela.+
14 Dichi mwakamwinka Moresheti Gati yawaana yakudaambula* nachu.
Antu* amuAkizibi+ adiña yuma yamakudi kudi anyanta amuIsarela.
15 Enu mwashakama muMaresha,+ nakayiletela mukakwimika mushindu.*+
Kulema kwaIsarela kwakashika nikuAdulami.+
16 Ditewulenu mabala nawa tewulenu nsuki jenu muloña wawanyanenu imwakeñesha.
2 “Oyihuñu yakamona antu afuukulaña yuma yatama,
Atoñojokaña yuma yatama hatudidi twawu!
Chikwacha hiyakukoñamu,
Muloña chidi muñovu jawu.+
2 Afwilaña maha nawa ayitambulaña;+
Nimatala, niwena ayitambulaña;
Atambulaña itala damuntu muwupwapoki,+
Niwuswana windi.
3 Dichi, Yehova nahoshi nindi:
‘Ichi inakutoñojoka kuyiletela yihuñu+ yimwakabula kutemuka.*+
Himwakatwalekahu kwenda nakudivwimbaku,+ muloña himpinji yayihuñu.+
4 Hanodu ifuku antu akayitila chishimu,
Nawa akayidila namukeña chikupu.+
Akahosha nawu: “Anatujilumuni chikupu!+
Yena nahani chibalu champata yawantu jami kudi antu acheñi, nantambulichu!+
Nahani maha etu kudi antu abula kushinshika.”
5 Dichi wakekala wanyi namuntu wakutandumuna mwonji wakupima nachu,
Kulonda wakanzañani mpata nachinjikijilu muchipompelu chaYehova.
6 Ashimwinaña nawu, “Lekenu kushimwina!”
“Hiyatela kushimwina yumiyiku;
Hitwakasawukaku!”
7 Enu amwitala daYakoba, komana anakuhosha nawu:
“Spiritu yaYehova yinaleki kudiwunjika?
Komana iyi diyi nyidimu yindi?”
Komana mazu ami hiyaletaña yuma yayiwahi kudi owu endaña cholokaku?
8 Hanashimbuli wanyi antu jami ananvwakukili neyi chilumbu.
Mwasubulaña yingelingeli yalema wuseya hamu* nayakuvwala
Kudi antu ahitaña chakadi kwakama, neyi antu anakufuma kunjita.
9 Mwahañaña ambanda awantu jami mumatala awu amawahi;
Mwafumishaña lubanji lwami kudi anyanawu haya nyaaka.
10 Nyamukenu, yenuña, muloña dinu hiiluña dakunookelaku.
Muloña wamajilu,+ kudi kujilumuka, kujilumuka kwakweni.+
11 Neyi muntu nakulondela mpepela nimakudi nawa atwamba nindi:
“Nukuyishimwina nsañu yavinyu niyawalwa,”
Dikwila nawu wukwikala mukakushimwina wanawa antu hohu!+
Nakayisha hamu mukuwunda, neyi nyikoku yidi mwiyinda,
Neyi mukanka wudi mwiluña dakudiila;+
Kwakekala ipumba dawantu.’+
13 Mukakulokola wakayañahu dehi hambidi yawu;
Akalokola nakuhita muchiisu kulonda akedikilimu.+
Mwanta wawu wakahitañahu dehi henohu wena kanda,
Iku Yehova wudi hambidi yawu.”+
3 Nahosheli nami: “Tiyenu mwani, enu anlomboli* jaYakoba
Ninenu akulumpi jawantu amwitala daIsarela.+
Komana hiyenu mwatela kwiluka yuma yaloñaku?
2 Ilaña mwahela yuma yayiwahi+ nakukeña yatama;+
Antu jami mwayitabolaña makowa nikufumisha nyisunyi kumafwaha awu.+
3 Mwadaña mbiji yawantu jami+
Nawa mwowaña makowa awu,
Kukotola mafwaha awu, nakuyichika chikupu,+
Neyi yuma yinatelekiwu mundehu,* neyi mbiji yidi mundehu.
4 Hanoyu mpinji akamutambika Yehova nawu ayikwashi,
Ilaña hakayakulaku.
5 Yehova nahoshi hadi atuprofwetu anakuluwañesha antu jindi,+
Abidikaña nawu, ‘Kuwunda!’+ neyi adi nayuma yakutafunya* mutunwa twawu+
Ilaña abidikaña* njita kudi muntu wabulaña kuyishilahu yuma mutunwa twawu, nindi:
Itena dakahumina hadi atuprofwetu,
Nawa mwaana wakayibalumukila mwidima.+
7 Akakumona yimwenu akasawuka,+
Nawa akakuhoña akayitiyisha nsonyi.
Wejima wawu akabuta hawevu wahamahembelu awu,*
Muloña Nzambi hanayakuliku.’”
8 Hakwila ami, nenzali nañovu muloña waspiritu yaYehova,
Ninawuñanji niwulobu,
Kulonda nimuleji Yakoba kudikaña kwindi niIsarela nshidi yindi.
9 Tiyenu chumichi mwani, enu anlomboli awantu amwitala daYakoba
Ninenu akulumpi jawantu amwitala daIsarela,+
Mwahela wuñanji nawa mwaheñeshaña yuma yejima yoloka,+
10 Mwatuñaña Ziyona nakupwekesha mashi niYerusalema nakubula kuloña.+
Ilaña amushindamenaña Yehova,* nakuhosha nawu:
“Komana Yehova hadi nanetuku?+
Kwosi kukala kukutumwekenaku.”+
12 Dichi, hamuloña wanenu,
Ziyona akamudima neyi iha,
Yerusalema wakabalumuka nyilumba yayuma yinajilumuki,+
4 Mumafuku akukuminina,
Mpidi yetala daYehova+
Akayishimatisha chikupu hewulu damapidi,
Nawa akayisompwesha kubadika tupidi,
Nawa kwenoku dikwakahwila antu.+
2 Nawa nyuza yayivulu yakaya nawa yakahosha nawu:
“Twayenu tukanduki kumpidi yaYehova,
Nikwitala daNzambi yaYakoba.+
Yena wakatuleja njila jindi,
Nawa tukenda munjila jindi.”
Muloña nshimbi* yakafuma muZiyona,
Nawa izu daYehova dakafuma muYerusalema.
Mpoku jawu jatubali akajichila yitwa yakudima nachu
Nawa mayoña awu akayichila yitwa yakukunkula nachu.+
Muza hiwukanyamwina muza wukwawu mpoku yakabaliku,
Nawa hiyakadiza cheñi njitaku.+
4 Muntu-himuntu wakashakama mwishina damuvinyu windi nimwishina dachikuyu chindi,+
Nawa kwosi wakayitiyishaña womaku,+
Muloña kanwa kaYehova wamazaza dikanahoshi.
5 Muloña antu ejima akendaña, iwu mwijina danzambi yindi, iwu mwijina danzambi yindi,
Ilaña etu twakendaña mwijina daYehova Nzambi yetu+ haya nyaaka nanyaaka.
6 Yehova nahoshi nindi, “Hanodu ifuku,
Nakapompesha wabalakatileña,
Nawa nakakuñwija wapalañenamu,+
Hamu nanowu inakabishili.
7 Nakelisha owu wabalakatileña kwikala washalahu,+
Nawa owu atwaliliwu kwakulehi kwikala muza wañovu;+
Nawa Yehova wakekala mwanta wakayiyuulaña kuMpidi yaZiyona,
Kufuma yinu mpinji nihaya nyaaka.
8 Hakwila eyi, eyi kaposhi kamukanka wayimuna,
Mulumba wamwana kaZiyona wamumbanda,+
Chakenza kudi eyi, eña, chiyuulu chatachi* chakenza,+
Wanta wamwana kaYerusalema wamumbanda.+
9 Hanu dinu muloñadi chiwunakubidikila nañovu?
Komana hiwukweti mwantaku,
Indi kwiji mukakukuleja maana nafwi,
Mwaka nyisoñu yikuwani neyi yamumbanda wunakuvwala mwana?+
10 Eyi mwana kaZiyona wamumbanda, alañanaku nikwaaba,
Neyi mumbanda wunakuvwala mwana,
Hayinu mpinji wukufuma mumusumba nakuya nakushakama mumasaña.
Wukuya nakushika nikuBabiloni,+
Nawa kwenoku dikwakakwamwinawu;+
Kwenoku Yehova wakakulandulula muchikasa chawayilumbu jeyi.+
11 Dichi nyuza yayivulu yakadipompesha nakukwimakena;
Yakahosha nawu, ‘Lekenu amutamishi,
Nawa lekenu mesu etu amoni ichi chuma chimumwekeni Ziyona.’
12 Ilaña hiyeluka yitoñojoka yaYehovaku,
Hiyeluka nkeñelu* yindiku;
Muloña wakayipompesha hamu neyi mbutu yinafumi nakumunawu yinakutwalawu hawuhulilu.
13 Eyi mwana kaZiyona wamumbanda, nyamukaku wuhuli;+
Muloña nukuhimpa nseñu jeyi jiikali chikuñu,
Nawa nukuhimpa yikwa yeyi yiikali wuneñu,
Eyi wukuchika antu amavulu ashiyashana.+
Wukuhana maheta awu awupwapoki kudi Yehova,
Niyuma yawu kudi Mwanta walala weseki dejima.”+
Nsompeshi yaIsarela amwetaña kumbaña nambwechi.+
2 Nawa eyi, eyi Betelemi Efurata,+
Eyi wakehelamu nankashi hakachi kamakombakaji* amuYuda,
Mudi eyi dimwakafuma wami wakekala nyuuli muIsarela,+
Wukweti ntachikilu yakushankulu, kumafuku akunyaaka oko-o.
3 Dichi wakayihana
Sampu mpinji yanowu wunakuvwala mwana navwali dehi.
Nawa amanakwindi anashali akafunta kudi antu jaIsarela.
4 Wakanyamuka nakubiña nañovu jaYehova,+
Nakubadika kwejina daYehova Nzambi yindi.
Neyi mwini Asiriya alukuka ituña detu nikudatola tuposhi twetu twakola,+
Twakamunyamwina atubiña 7, eña, atulamba* 8 awantu.
Nawa wakatupulwisha kudi mwini Asiriya,+
Neyi alukuka ituña detu nikudatola iluña detu.
7 Ashalahu aYakoba akekala hakachi kawantu amavulu ashiyashana
Neyi wuumi wunafumi kudi Yehova,
Neyi nvula yinakusansa hayuma yamenaña
Yabulaña kukuhwelela mudi muntu
Hela kuhembelela anyana kawantu.
8 Ashalahu aYakoba akekala hakachi kanyuza,
Hakachi kawantu amavulu ashiyashana,
Neyi mutupa wudi hadi anyama amwisaña,
Neyi mwenzi wamutupa* wudi hanyikanka yanyikoku,
Wunakuhita hakachi nakukwata nikutabola;
Nawa kwosi wakuyamwinaku.
9 Chikasa cheyi chakayinyamukila akankunyi neyi,
Nawa ayilumbu jeyi ejima akajilumuka.”
10 Yehova nahoshi nindi, “Hanodu ifuku,
Nakajaha tuwalu tuwudi natu nikukisañana makalu eyi.
11 Nakakisañana nyisumba yidi mwituña deyi
Nikujilumuna maluña eyi ejima akiñewa.
13 Nakakisañana ankishi jeyi akubaza niyishimi yeyi yidi mukachi keyi,
Nawa hiwakadibukahu cheñi kumudimu wakumakasa eyiku.+
15 Hanyuza yabulaña kuñovwahila
Nakaditenda nakuzuwa ninakulendumuka.”
6 Tiyenu mwani chinakuhoshayi Yehova.
Nyamukenu mwakasompi muloña kumapidi,
Nawa tupidi tutiyi izu denu.+
2 Enu mapidi, tiyenu muloña waYehova,
Enu yikuku yeseki yashimata,+
Muloña Yehova wukweti muloña wakusompa nawantu jindi;
Wukutaadeka naIsarela nindi:+
3 “Enu antu jami, chumanyi chinnayili?
Nayizeyeshi ñahi?+
Nfwishenu namuloña.
4 Muloña ami nayifumishili mwituña daEjipitu,+
Nayikuulili mwitala dawuduñu,+
Nayitemesheleli Mosi, Aroni niMiriyamu.+
5 Enu antu jami, mwani anukenu chuma chafuukwili Mwanta Balaki wakuMowabi,+
Nichamwakwiliwu kudi Balami mwana kaBeyori,+
Chuma chamwekeni kufuma kuShitimi+ kushika nikuGiligali,+
Kulonda mwiluki yilwilu yaYehova yaloña.”
6 Chumanyi chinakenza nachu kudi Yehova?
Chumanyi chinakadibuka nachu kudi Nzambi wudi hewulu?
Komana nakenza kumesu indi nanyilambu yamukuma yakushita,
Nanyana kañombi yachaaka chimu?+
7 Komana Yehova wakatiya kuwaha namakombakaji anyikoku yayizamba,
Hela namakumi amakombakaji atuloña twamanji?+
Komana nakahana mwanami weyala wawedi muloña wakudikaña kwami,
8 Eyi muntu, yena nakuleji chuma chachiwahi.
Nawa chumanyi chinakukeñayi Yehova kudi eyi?
9 Izu daYehova hidikubidika musumba;
Antu akweti maana alala akutiya woma ijina deyi.
Shenu maana kumbwechi nikudi owu wayitondeli.+
10 Komana mwitala damuntu watama muchidi maheta akutama
Nichipimu chaifa* chawuzondu chabula kuwanina?
11 Komana nateli kwikala wakadi majilu* namasikelu atama,
Nepakumuna damalola akupiminaku awupwapoki?+
12 Muloña antu jindi aheta enzala namadombu,
Nawa antu ashakamamu ahoshaña jakutwamba;+
Idimi dawu dadimbanaña mukanwa kawu.+
13 “Dichi, nakakukatisha nakukweta,+
Nakukushiya kwamahembi muloña wanshidi jeyi.
14 Wakada ilaña hiwakekutaku;
Wakatwalekahu kutiya nzala.+
Yuma yiwakafumisha hiwakayisenda chachiwahiku,
Nawa yiwakasenda, nakayihana kumpoku yakabali.
15 Wakakuwa mbutu, ilaña hiwakañulaku.
Wakadatola nyiolivi, ilaña hiwakazatisha manjiku;
Nawa wakeema vinyu yayiha, ilaña hiwakanwahu vinyuku.+
16 Muloña mwahembaña nshimbi jaOmiri ninyidimu yejima yaamwitala daAhabi,+
Nawa mwendaña kwesekeja nachayilejañawu.
Dichinakayibalumwina mwakekali chuma chakuhayama chikupu
Nawa antu ashakamañamu akekala chuma chakembilañawu muloji;+
Nawa kasawuntu kawantu kakashikena hadi enu.”+
7 Oyihuñu yinnamoni! Ami nidi neyi muntu welaña
Hanyima yakupompesha nyikaabu yamunooña
Nikuhuhujola kwekalañaku hanyima yakwaañula nyivinyu,
Kuwana chizokofu chanyivinyu yakuda nehi,
Kukañanya nimukaabu wachikuyu watachi wunafwilaña.*
Wejima wawu abelaminaña kulonda apwekeshi mashi.+
Muntu-himuntu wazombaña manakwindi nekokela.
3 Makasa awu eluka chikupu kwila yuma yatama;+
Chilolu nakulomba yawaana,
Nsompeshi nakulomba wufwetu,+
Muntu walema namwekeshi yuma yafwilañayi,*+
Nawa elilaña hamu yumiyi.*
4 Muntu wawu wamuwahi wudi neyi nyiña,
Muntu wawu wasweja kwoloka watama kubadika ikoli danyiña.
Ifuku dawakakutalatala eyi nidakukubabesha dakenza.+
Nawa akaluluta.+
5 Bayi mukuhwelela mukwenu
Hela ibwambu denu imwadikunda nindiku.+
Soñamaku nayuma yiwalejaña muntu wakaamaña muntulu yeyi.
6 Muloña mwana weyala wadiwulaña tata yindi,
Mwana wamumbanda wemakenaña mama yindi,+
Mumbanda wesumbu wemakenaña muku windi wamumbanda;+
Ayilumbu jamuntu hiyantu amwitala dindi.+
7 Hakwila ami kwami, nukutwalekahu kumuhembelela Yehova.+
Nukumuchiñililaña* Nzambi yawamwinu wami.+
Nzambi yami wakantiya.+
8 Eyi chilumbu* chami, bayi wuzañalala muloña wanamiku.
Hela neyi nadimbuki, nukwimana;
Hela chakwila nukushakama mumwidima, Yehova wukwikala chejeji chami.
9 Nukumona kuzuwa kwaYehova,
Muloña namuvulumuni,+
Sampu nahakwiliku muloña wami nakunsompela mwawuñanji.
Wukunleta muchejeji;
Nukushinshika hakuloña kwindi.
10 Chilumbu chami niyena wukumona,
Nawa nsonyi yikumubuta owu wañilili nindi:
“Yehova Nzambi yeyi wudi kudihi?”+
Mesu ami akushinshika hadi yena.
Ichi akumudatola neyi malowa munyikwakwa.
11 Dakekala ifuku dakutuña mbañu jeyi jamalola;
Hanodu ifuku ñinza akajitohesha.*
12 Hanodu ifuku akenza kudi eyi
Kufuma kuAsiriya nimunyisumba yamuEjipitu,
Kufuma kuEjipitu ndo-o nikuKaloña;*
Kufuma kukaluñalwiji kamu nakushika kukakwawu, kufuma kumpidi yimu nakushika kuyikwawu.+
13 Nawa ituña dakashala kwamahembi muloña wawantu ashakamañamu,
Namuloña wayuma yinakoñiwu.*
14 Biñaku antu jeyi namukombu weyi, mukanka wawuswana weyi,+
Owu washakamineña nkawawu mumasaña, mukachi ketempa danyikaabu.
Yilekenu adiili muBashani nimuGiliyadi+ neyi chichadiña mumafuku akushankulu.
15 “Neyi chichadiña mumafuku iwafumini mwituña daEjipitu,
Nakamumwekeshela yuma yakuhayamisha.+
16 Nyuza yakamona nawa yakatiya nsonyi hela chakwila yikweti ñovu yamuchidinyi.+
Akasha makasa awu hatunwa twawu;
Matu awu akajika.
17 Akalasha lunkuñu neyi tupela;+
Akedikaña nawoma mumpwembu jawu neyi anyama ahamaseki asemaña mateta.
Akenza kudi Yehova Nzambi yetu iku anakuzaala,
Nawa akakutiya eyi woma.”+
Hakatwalekahu nakuzuwa haya nyaakaku,
Muloña yena watiyaña kuwaha nakukeña kwakashinshi.+
19 Wakatutiyila cheñi luwi;+ wakashinda* yiluwa yetu.
Eyi wakanatila nshidi jawu jejima henyiñi dakaluñalwiji.+
20 Yakoba wakamumwekeshela kashinshi,
Abarahama kukeña kwakashinshi,
Neyi chiwasanyikili kudi ankakulula jetu kumafuku akushankulu.+
Hinsonekelu yaMikayeli hela Mikaya muwihi, daya mukwila nawu, “Hinyi Wudi Neyi Yehova?”
MuchiHeberu, “Nakamwaña.”
Hela “wufwetu wejima wamuwuvumbi windi.”
Hela “mwitala daAfira.”
Hela “yakudishiika.”
MuchiHeberu, “Matala.”
Hela “wakayitambula.”
Izu dachiHeberu dinateli kutalisha nikudi mbuulu.
MuchiHeberu, “himwakafumisha nshiñu jenuku.”
Hela hekwawu, “kufuma.”
MuchiHeberu, “nyitu.”
Hela “ndehu yeneni.”
Hela hekwawu, “henohu anakusumana.”
MuchiHeberu, “kujilika.”
Hela “akabuta tunwa twawu.”
Hela “namaseleka.”
Hela “nasiliva.”
Hela “atwambaña kumushindamena Yehova.”
Hela “mpidi yatembeli.”
Hela “neyi iluña dazandama danyitondu.”
Hela “kuleja.”
Hela “chakunyima.”
Hela “kufumba.”
Hela “makiñu.”
Hela “anlomboli.”
Hela “mwenzi wamutupa weyala.”
MuchiHeberu, “muchikasa chenu.”
Talenu Kulumbulula.
Hela “muloña wanshidi yawumi wami?”
Hela “kwikala chiwahi.”
Hela “kumwekesha luwi nikashinshi mukukeña kweyi.” MuchiHeberu, “kukeña kukeña kwakashinshi.”
Talenu Nsañu Jikwawu B14.
Hela “wakadi muloña.”
Hela “wafwilaña wumi wami.”
Hela “anakisiki.”
Hela “yafwilaña wumi windi.”
MuchiHeberu, “achiminaña hamu yumiyi.”
Hela “Nukuhembelelaña nakudiwunjika.”
MuchiHeberu, izu “dachilumbu” datalisha kudi muntu wamumbanda.
Hela hekwawu, “lushimbi lwakekala kwakulehi.”
Dikwila nawu, Yufurati.
MuchiHeberu, “Muloña wanyikaabu yayilwilu yawu.”
Hela “wakadatola.”