LUKONKO LUA 18
Udi mua kuenza tshinyi bua kusemena pabuipi ne Nzambi?
“Wewe Muteleji wa disambila, bantu ba mishindu yonso nebalue kuudi.”
“Eyemena Yehowa ne muoyo webe wonso, kueyemenyi dijingulula diebe dia malu. Umumanye mu njila yebe yonso, ne yeye nealulamije njila yebe.”
“Bualu ebu budi bumvuija muoyo wa tshiendelele: bende bakumanya wewe, Nzambi umuepele mulelela, ne yeye uuvua mutume, Yezu Kristo.”
“Mu bulelela, [Nzambi kena] kule ne yonso wa kutudi.”
“Ndi ntungunuka ne kusambila bua bualu ebu: bua dinanga dienu ditungunuke ne kuvulangana kabidi bikole menemene pamue ne dimanya dijalame ne dijingulula dionso dia malu.”
“Bikala umue wa kunudi mupangile meji, atungunuke ne kualomba kudi Nzambi, bualu yeye udi upesha bantu bonso ne tshianza tshilekelela, kayi ubatobolola, ne nebamupeshawu.”
“Semenayi pabuipi ne Nzambi ne yeye neasemene pabuipi nenu. Tokeshayi bianza bienu, nuenu benji ba mpekatu, ne lengejayi mioyo yenu, nuenu bena mioyo ibidi.”
“Mona tshidi dinanga dia Nzambi diumvuija: bua tutumikile mikenji yende; pabi mikenji yende kayena ne bujitu.”