LUKONKO LUA 10
Ntshinyi tshidi Bible ulaya bua matuku atshilualua?
“Bantu bakane nebapiane buloba, nebasombapu bua kashidi.”
“Buloba budi bushalaku kashidi.”
“Neamine lufu kashidi, ne Mukalenge Mutambe Bunene Yehowa neakupule binsonji ku mêsu kua bantu bonso.”
“Mu tshikondo atshi mêsu a bampofu neatabale, ne matshi a bampudi matshi neajikuke. Mu tshikondo atshi mulema neatumpike bu ngulungu, ne ludimi lua kamama neluele mbila ya disanka. Bualu mâyi neapatuke mu tshipela, ne tusulu tua mâyi mu mpata wa tshipela.”
“Yeye neakupule tshinsonji tshionso ku mêsu kuabu, ne lufu kaluakuikalaku kabidi, nansha madilu, nansha mbila ya miadi, nansha bintu bidi bisama kabiakuikalaku kabidi. Malu a kale mmajimine.”
“Nebase nzubu ne nebasombelamu, ne nebadime madimi a tumuma tua mvinyo ne nebadie tumuma tuawu. Kabakuibaka bua muntu mukuabu asombelamu, ne kabakukuna bintu bua bantu bakuabu babidie. Bualu matuku a bantu banyi neikale bu matuku a mutshi, ne basungula banyi nebasanke bikole menemene bua mudimu wa bianza biabu.”