LUKONKO 6
Ntshinyi tshivua Bible mudianjile kuamba bua Masiya?
MULAYI
“Wewe, Beteleheme Efelata, . . . kuudi nekupatuke bua bualu buanyi muntu wikala mfumu mu Isa-lele.”
DIKUMBANA DIAWU
“Yezu mumane kuledibua mu Beteleheme wa mu Yudaya mu matuku a mukalenge Helode, monayi! bena lubuku lua mitoto ba ku Est bakalua ku Yelushalema.”
MULAYI
“Badi babanyangana bilamba bianyi, ne badi belela bilamba bianyi nshobo.”
DIKUMBANA DIAWU
“Kadi pavua basalayi bapopele Yezu ku mutshi, bakangata bilamba biende bia pa mutu, kubiabanya mu bitupa binayi . . . Kadi tshilamba tshia muinshi atshi katshivua ne mutelu to, tshivua tshiluka kubangila kuulu too ne kuinshi. Nunku bakambilangana ne: ‘Katutshipandi to, kadi tuelayi nshobo bua kumanya wikala muenatshi.’”
MULAYI
“Udi ulama mifuba yende yonso; kakuena umue wa kudiyi udibu batshibule.”
DIKUMBANA DIAWU
“Pakaluabu kudi Yezu, bakamona ne: ukavua mufue, nanku kabakatshibula mikolo yende to.”
MULAYI
“Bakamutubula bua dishipa dietu dia mikenji.”
DIKUMBANA DIAWU
“Umue wa ku basalayi wakamutua difuma mu lubadi, diakamue mashi ne mâyi biakapatuka.”
MULAYI
“Bakafuta difutu dianyi: bitupa bia arjan 30.”
DIKUMBANA DIAWU
“Pashishe umue wa ku bapostolo 12, uvuabu babikila ne: Yudasa Isakaliote, wakaya kudi bamfumu ba bakuidi, kubambilaye ne: ‘Nenumpeshe tshinyi meme mumufile kunudi?’ Bakamba bua kumupesha bitupa bia arjan 30.”