Mukanu ya kulutila mfunu yina muntu lenda baka, ni kupesa luzingu ya yandi na Yehova mpe kukuma kisadi ya yandi. Yehova zola ti bantu nyonso sala yawu. Samu na yinki? Yandi zola ti ba vanda na kindiku ya mbote na yandi mpe ba zinga ntangu nyonso. (Det. 30:19, 20; Gal. 6:7, 8) Kasi, Yehova ke nataka ve bantu na kusadila yandi na ngolo. Yandi ke bikaka muntu nyonso, soola yina yandi mosi zola kusala. Yinki bakuluntu me fwana kusala kana mpangi mosi me sala disumu ya ngolo? Kana yandi me balula ve ntima, bakuluntu me fwana kukatula yandi na kati ya kimvuka. (1 Kor. 5:13) Kasi ata faso yina, Yehova ke na nsatu ya ngolo ya kutala muntu yango balula ntima mpe kuvutuka na yandi. Ya ke mambu ya mfunu yina nataka yandi na kupesa mwana ya yandi na munkayulu samu na kulemvokila masumu ya beto. Yehova ke Nzambi ya luzolo yina ke zonzaka na ba yina me sala disumu ya ngolo na kubalula ntima.—Zak. 1:3; Rom. 2:4; Zaki 4:8. w24.08 14 § 1-2

Na ntangu yina ntumwa Yoane sonikaka mukanda ya 3 Yoane, bantu vanda kotisa malongi ya luvunu na kimvuka, mpe ya vanda sala ti bumosi vanda ve. Kasi, ba ya nkaka vanda tatamana “kuzinga na butsyelika.” Ba vanda tumama na Yehova mpe “kuzinga mutindu misiku ya Nzambi ke zabisaka.” (2 Yoa. 4, 6) Kukwikama ya bawu vanda sepelisa ve kaka Yoane, kasi mpe Yehova. (Bin. 27:11) Wapi yina ke kileso? Kukwikama ya beto ke pesaka kilengi. (1 Yoa. 5:3) Na kifwani, ya ke salaka beto kilengi na kuzaba ti beto ke na sepelisaka Yehova. Ya ke sepelisaka yandi na kutala mutindu beto ke kimaka bamambu ya yimbi mpe ke landaka misiku ya yandi. Ya ke sepelisaka mpe bambazi. (Luke 15:10) Beto mpe ke sepelaka na kutala mutindu bampangi ke bikanaka ya kukwikama. (2 Tes. 1:4) Kilengi ya beto ke vanda ya kulutila ntangu yinza ya Satana yayi ke kufwa, samu beto ke tala ti beto me lenda kubikana ya kukwikama na Yehova na kati ya yinza ya yimbi yayi. w24.11 12 § 17-18

Bantangu yikwa nge me lunga kubaka tekila nge zonza ti nge ke na sepelaka na yandi? Kana nge zonzila yandi na mbangu, yandi lenda kanisa ti nge ke muntu yina ke kanisaka ve mbote-mbote tekila nge baka mikanu. (Bin. 29:20) Kasi, kana yandi zaba ti nge ke na sepelaka na yandi, kulutisa ntangu mingi lenda nata yandi na kukanisa ti nge ke vandaka na boma ya kubaka mikanu. (Ekl. 11:4) Kuzimbana ve: Tekila nge zonza na muntu ti nge ke na sosaka kuzabana na yandi, nge ve na nsatu ya kuvanda na kundima ti bamambu ke simba kaka. Kasi nge me fwana kuvanda na kundima ti nge mosi ke ya kubongama samu na makwela mpe ti muntu yango lenda vanda muntu ya mbote samu na nge. Yinki nge lenda sala kana nge me zaba ti ya ke na muntu ke na sepelaka na nge? Kana nge zola ve, lakisa yawu pwelele. Ya ke ve mbote na kubika mpangi kukanisa ti nge mpe ke na sepelaka na yandi, kasi na ntima ya nge, ya ke ve ni faso yina.—Efe. 4:25. w24.05 22-23 § 9-10