Kuht Ahkkahlwemye Luhngse ke Kuht Ahkos ac Kahsruh Inkacnek luhn Jeova in Sang Kai

Oakwuck in sisilac uh karihngihn congregation se ac sang kai nuh sin mwet suc sruhnga in auliyak. (1Cor. 5:6, 11) Ke kuht ahkos ac kahsruh mwe kai inge sin Jeova, kuht ahkkahlwemye luhngse. Ma inge ac kuh in pwacye fuhkah fin oakwuck in sisilac oraclah mwe ahsor na yohk nuh sin mwet in sucu luhn mwet suc sisilac inge, wekuhnacng mwet elder suc wi ke judicial committee?

Yohk liki nuhkewa, kuht ahkkahlwemye lah kuht luhngse Jeova, kuht sruhnga in ahkkulukye inel, ac suhnakihn oakwuck lal ke ohiyen nwacsnwacs. (1Pet. 1:14-16) Kuht ahkkahlwemye pac luhngse nuh sin mwet suc sisilac inge. Finne mwe kai upac oruh sie mwet in ahsor yohk, tuhsruhktuh ma inge kuh in kahsrel in oraclah “moul in misla lun sie moul suwohs.” (Heb. 12:5, 6, 11) Kuht ahkmuhnahsye mwe kai luhn Jeova kuht fin asruoki nuh sin mwet suc sisilac kuh nuh sin mwet suc sifacna forlah liki Jeova. Esam lah, Jeova el sang kai “ma fal” nuh sin mwet lal uh. (Jer. 30:11) Ke kuht tahfwelah na in ahkos ac ahkkweye oakwuck luhn Jeova in sang kai ac oruh ma enenweyuck nuhkewa in karihngihn fototo lasr nuh sin Jeova in kuh pacl nuhkewa, kuht finsrak tuh elos suc sisilac inge ac fah fohlohk nuh yurin Pahpah tuhmwacsr suc pahkotwen.​—Isa. 1:16-18; 55:7.

LIYE MWE LUHMAHLAH MA OASR KE VIDEO SE INGE MAINTAIN LOYALTY WITH A UNIFIED HEART, AC TOHKOHYANG TOHPOHKLAH KIHSEN SIYUCK EKAHSR TEN INGE:

• 

  Mwe ahktoasr fuhkah pahpah ac ninac suc mwet Christian uh puhla ke pacl se tuhlihk nahtuhlos uh som luhkwel Jeova?

• 

  Congregation uh kuh in sang kahsruh fuhkah nuh sin sucu luhn mwet sisilac suc oaru?

• 

  Mwe sramsram fuhkah in Bible uh ma luti nuh sesr muh oaru lasr nuh sin Jeova uh yohk srihpac liki oaru lasr nuh sin sucu lasr uh?

• 

  Kuht ahkkahlwemye fuhkah lah kuht oaru nuh sin Jeova yohk liki sucu lasr uh?