MOUL LUHN MWET CHRISTIAN
Esam in Puhruhe ke Mwet Christian suc Kalyeiyuck
Bible uh palye lah Satan el ac fah kalyei kuht in srihke in tulokihnyac orekma in luti lasr uh. (Jn. 15:20; Fwack. 12:17) Kuht kuh in kahsruh fuhkah mwet lili Christian wiyacsr ke acn sahyac suc sun mwe kalyei? Kuht kuh in puhruhe kaclos. “Puhruhe luhn sie mwet suwohs arlacna kahlwem kuh kac” uh.—Jas. 5:16.
Meac kuht kuh in puhruhe kac uh? Kuht kuh in siyuck sin Jeova in ahkpuhlaikye mukul ac muhtwacn lili wiyacsr uh ac in kahsreltahl in tiac sahngweng. (Isa. 41:10-13) Kuht kuh in oacyacpac puhruhe ke mwet kol ke government in tiac lain orekma in luti uh, “tuh kuht fah kuh in moul mislac ke wacngihn mwe lokoalok.”—l Tim. 2:1, 2.
Ke pacl se ma kalyeiyuck Paul ac Peter, mwet Christian in pacl meet ah puhruhe kacltahl ac fahk ineltahl. (Orek. 12:5; Rom. 15:30, 31) Kuht finne tiac etuh ke inen mwet nuhkewa suc kalyeiyuck ke pacl inge, yac kuht kuh in ahkkahlwemye ke puhruhe lasr uh ke congregation, muhtuhnfacl, kuh acn seltahl uh?
Suhmuhslah ten acn pucspucs ma oasr mwet Christian we suc kalyeiyuck ma kom luhngse in puhruhe kaclos.
[Pohk ke sra 8]
• Ma sikyak sasuc ke kalyei luhn Mwet loh luhn Jeova kuh in liyeyuck ke jw.org. (Liye ye NEWSROOM > LEGAL DEVELOPMENTS.)
• Mwe rit se ke jw.org inge “Jehovah’s Witnesses Imprisoned for Their Faith—By Location” ahkkahlwemye ke pihsen mwet suc ingena oasr in presin ke kais sie muhtuhnfacl. (Liye ye NEWSROOM > LEGAL DEVELOPMENTS. Som nuhke sie muhtuhnfacl an ac toanyac in etuh ma sikyak ke acn ingacn ac eis sie PDF ma oasr inen mwet suc muhta oasr ke presin we an.)