Yac Kom Orekmakihn JW Library?

JW Library pa sie app (software application) ma tiac moul ac ma inge ac lwelah kom in downloadiyac Bible ac kuhtuh pac mwe rit sahyac, video, ac mwe lohng ke koanon program pucspucs nuh ke phone, tablet kuh computer nuhtum an.

KOM AC EIS FUHKAH: Som nuh ke internet an, ac toanyac install JW Library ma oasr ke sie app store. App se inge kuh in orekmakihnyuck nuh ke kain in device. Ke internet uh, ikacslah app sacn ac sulaclah kain in ma kom luhngse in downloadiyac nuh ke device nuhtum an. Kom fin tiac kuh in som nuh ke internet ke lohm sum an, sahp kom kuh in oruh ke Lohm in Toeni uh, ke sie library, kuh ke sie acn ma oasr internet we. Ke pacl se mwe rit ingacn download tari nuh ke device nuhtum an, kom tiac enenuh in connect nuh ke internet tuhfah kom kuh in orekmakihn kuh ikacslah. Ke srihpen oasr ip sasuc ma kwacna ituckyang nuh ke JW Library, ke kais kuhtuh pacl kom ac enenuh in som nuh ke acn ma oasr internet we ac sang ma sasuc pucspucs ingacn nuh ke app nuhtum an, ke pacl se ma ma inge oasr tari.

EFUH WO KOM IN EIS? JW Library arlacna fihsracsr in orekmakihn nuh ke lutlut lom sifacna ac in ukwe ma orek ke pacl in miting lasr uh. Ma inge ac kuh in mwe kahsruh na yohk pac nuh ke orekma in luti uh, yohk na ke pacl ma eltahl sang ma loh nuh sin mwet ke pacl sahyacn pacl in forfor uh.