Ahkkapye Ohiyen Forfor Lasr​—Oakiyac Mwe Sramsram nuh ke Sifwil Fohlohk Lasr uh

EFUH YOHK SRIHPAC:

Kuht luhngse in ahksroksrokye fihtac luhn ma pwacye uh? (I Cor. 3:6) Ke pacl se kuht konwacack mwet suc luhngse lohng, wo kuht in fihliyac sie kihsen siyuck an elan nuhnkuh tuh kuht in sramsramkihn ke pacl se kuht sifwil fohlohk uh. Ma inge ac fah puhrakack kena lal an ac ahkfihsracsrye nuh sesr in ahkolah ke kuht sifwil fohlohk uh. Ke pacl se kuht fohlohk uh, kuht kuh in fahk lah kuht fohlohk in topuk kihsen siyuck se kuht siyuck ke muhta sahflah se lasr ah.

OREK FUHKAH:

• Ke pacl se kom ahkolah mwe sramsram lom ke orekma in luti lohm nuh ke lohm uh, ahkolah pac sie kihsen siyuck ma kom ac kuh in fohlohk ac topuk an. Ma inge ac kuh in ma topukyucklac ke sie mwe rit ma kom kihte an. Kuh pac in sie kihsen siyuck ma topukyuck ke sie mwe rit ma orekmakihnyuck in lutlut Bible ma sahp kom luhngse in ahkkahlwemye nuh sel ke kom ac sifwil fohlohk uh.

• Ke pacl se kom ahksahfye sramsram lom nuh sin sie mwet suc ahkkahlwemye luhngse lal in lohng, lwelah elan etuh lah kom luhngse in sifwil sramsram nuh sel na kom ahkkahlwemye kihsen siyuck se ma kom ahkolah in fohlohk ac topuk an. Siyuck ke inkacnek nuhkewa ma kom ac kuh in sifwil ohsun nuh sel.

• Kom fin fahk nuh sel muh kom ac fohlohk ke sie ao kuh pacl, ahkpwacyeye wuhlelah lom an.​—Mt. 5:37.