Mea Ma Paye Ke Kosrao

ARLANA mwo nu sin metu fwinsrak in som nu in kosrao! Oasr met su wi ke kain in alu puspus oana Muslim, Hindu, Buddhist, a met wi ke alu su fwak mu elos fwasr tokin Kraist, a fwinne met puspus su tia wi ke kutena alu elos lulalfongi ke fwinsrak ke moul tokin mise. Met inge elos nunku pal nukewa mu kosrao el oana sie an kato a oasr moul engun a insemwomwo su metu elos eis sukosok liki me keok a ku in sifwil tukeni nu yurin “met su elos lungse su mise.” Tusruktu, nu sin met puspus, kas inge paye nu selos: Met nukewa lungse in som nu in kosrao, tusruktu wangin kutena met lungse in mise. Efu ku ouinge?

Kut fwin orekla tu kut in mise a in som nu in kosrao, ya met puspus elos tia sano pal se inge, oana sie tulik srisrik sano pal se el matula ku sie met fwusr sano pal se el fwa payukyuk? Tusruktu met puspus elos srunga in mise.

Fwinne ouinge, met luti puspus elos fwak mu tokin kut moul ke lusen kitin pal fwin fwalu, kut fwa som nu in kosrao in engunkin moul we. Ke sie me pupulyuk, Theodore Edgar Cardinal McCarrick, archbishop fwin an Washington, D.C. meet, el fwak ouinge: “God el orekutla tia in moul fwin fwalu. Kut orekla in moul in kosrao.” Ke oiya sena inge, mokul se inge Ted Haggard, president of the U.S. National Association of Evangelicals in pal somla el fwak pa: “Akwuk lun moul pa in akfulatye God a in som nu in kosrao . . . meyen kosrao pa loom sesr.”

Met nukewa su lulalfongi ke moul in kosrao tokin mise akfwalye nunak lalos inge ke etauk srisrik su elos eis ka. Mokul se inge George Barna, president lun sie company su tuni a lutlutkin me luti lun alu puspus, el koneak la met puspus elos eis a orekmakin pa “me lutlut ke moul fwin fwalu a moul tokin mise fwal nu ke nunak su tuku ke kain in oiya puspus, oana petsa mukuikui, on, a me sramsram ke buk puspus. In an Florida sie Episcopalian pastor el fwak: “Kut nukin kutena ma ke kosrao sayen kosrao pa an su God el oasr we.”

Tusruktu, kosrao pa me sramsram yok sripe in Baibel. Kosrao el oana mea fwal nu ke Kas lun God? Ya metu orekla in moul in kosrao? Fwin metu elos som nu in kosrao, mea elos fwa oru we?

[Petsac ke sra 3]

Efu ku met puspus elos lungse in som nu in kosrao, tusruktu met puna lungse in mise?