Akos ke Inkanek Pusisel nu sin Met Seperd Kulang
“Komwos in akos met kol lomwos, a akpusiselye komwos nu selos.”—HIBRU 13:17.
1, 2. Ma simusla fuka akkalemye la Jeova a Jisus elos met seperd mwomwo a kulang?
JEOVA GOD a Mwen natul, Jisus Kraist, elos Met Seperd kulang. Isaia el palye: “Liye! Leum Jeova El fwa tuku oana sie met ku, a paul fwa leum kel. . . . El fwa kite u lal oana sie seperd. El fwa esani lam in paul; a wiselosla in imwel. El fwa penalos mwo su oasr tulik natu.”—Isaia 40:10, 11.
2 Pal se meet su kas palu inge ke sifwil folokla el akpayeyuk pa ke pal se met lula sin met Ju elos folokla nu in an Juda in yea 537 B.C.E. (2 Kronikel 36:22, 23) Ma inge sifwil akpayeyuk ke pal se oasr u lun met lula su akmusrala elos moliyukla liki “Babulon Lulap” in yea 1919 sin Cyrus Lulap, su el pa Jisus. (Fwakyuk 18:2; Isaia 44:28) El pa “paun” Jeova in oru orekma in kolyuk, in esani nu sie sipu a in kitelos a seperdi sip nukewa inge ke inkanek mwo a kulang. Jisus sifwana el fwak: “Nga met sropu mwo, a Nga etu ma nutik, a ma nutik ete yu.”—Jon 10:14.
3. Fuka Jeova el akkalemye oiya kulang ke inkanek su orek nu sin sip natul?
3 Kas palu in Isaia 40:10, 11 akkalemye yok ke inkanek mwo a kulang su Jeova el orekmakin in sang karungin met lal. (Sam 23:1-6) Ke pal se el oru orekma in kulansap lal fwin fwalu, Jisus el akkalemye pa la el nunku yok ke met tuma lutlut nukewa lal a nu sin met nukewa. (Mattu 11:28-30; Mark 6:34) Jeova God a Jisus elos srunga oiya koluk lun met seperd puspus, ku met kol puspus, lun met Israel su wangin pakomuta yuru, su tia mwekin ke elos tia karungin a akkolukye u lalos. (Ezikiel 34:2-10; Mattu 23:3, 4, 15) Jeova el mwolela: “Ke ma inge Nga fwa molela u nutik, a elos fwa tia sifwil ma kuna; a Nga fwa nununku in masrlon sip a sip. A Nga fwa tulokunak sie met seperd fwelos, a el fwa kitelos, aok Devid met kulansap luk. El fwa kitelos, a el fwa met seperd lalos.” (Ezikiel 34:22, 23) In len safla inge, Jisus Kraist, su Devid Lulap, el pa “sie met seperd” su Jeova el srusrngiye fwin met kulansap Lal nukewa fwin fwalu, met Kristian akmusrala a “sip ngie” nukewa.—Jon 10:16.
Me Sang Puspus Tuku in Kosrao Me nu sin Congregation
4, 5. (a) Me sang saok fuka Jeova el sang nu sin met lal fwin fwalu? (b) Me sang fuka Jisus el sang nu sin congregation lal?
4 Ke inkanek in tulokanak ku srusrngiye nu sin met kulansap Lal “sie met seperd”—el pa Jisus Kraist—Jeova el sang sie me sang saok nu sin congregation lun met Kristian. Me sang inge lun sie Met Kol in kosrao el palyeyuk ka in Isaia 55:4: “Liye! Nga esalang tu lan sie met lo nu sin mutanfwalu, sie Met Kol a Leum nu sin mutanfwalu.” Met Kristian akmusrala nukewa a met nukewa su wi ke u lun “u lulap” elos tukeni nu sie liki mutanfwal nukewa, sruf nukewa, met nukewa, a loa nukewa. (Fwakyuk 5:9, 10; 7:9) Elos orala sie congregation su oasr fwin fwalu nufon, “u sefwanna,” ye kolyuk lun “sie met seperd,” Jisus Kraist.
5 Jisus el sang pa me sang saok nu sin congregation lal fwin fwalu. El srusrngiye pa met seperd puspus su oaru ye kolyuk lal, su elos etawi Jeova a Jisus, in karungin u ke inkanek kulang. Met sap Poul el sramsramkin ke me sang mwomwo inge ke leta lal nu sin met Kristian in an Efesus. El simusla: “‘Ke el somwak nu lung, el itukla met sruo puspus, a el sang met puspus oana me sang.’ . . . El esang nu sin kutu tu elos in met sap, a kutu met palu, a kutu met sulkakin mwosasu; a kutu met seperd a met luti, tu in aksumwosye met mwo, nu ke orekma in kulansap nu ke musaiyuk monin Kraist.”—Efesus 4:8, 11, 12, NW.
6. Fuka met liaung akmusrala su wi kulansap ke u lun met elder elos akkalemyeyuk in Fwakyuk 1:16, 20, a mea ku in fwak ke met elder su srusrngiyuki su wi ke u lun sip ngie?
6 “Met puspus oana me sang” inge elos met liaung, ku met elder puspus, su srusrngiyuki sin Jeova a Mwen natul, ke inkanek lun ngun mutal, in karungin u lun sipu ke inkanek mwo a kulang. (Orekma 20:28, 29) Ke mutamwauk, met liaung nukewa inge elos met akmusrala. In Fwakyuk 1:16, 20, elos nukewa su kulansap wi u lun met elder puspus ke congregation lun met akmusrala elos pupulyukkinyuk nu ke “itu puspus” ku “lipufan puspus” su oasr ke lepaul leyut lun Kraist, kalme pa, elos oasr ye ku lal. Tusruktu, in pal safla ke pisen met akmusrala su srakna oasr fwin fwalu el suposeni, pus sin met Kristian elder ke congregation elos wi ke u lun sip ngie. Ke sripen elos srusrngiyuki sin met tutafpo lun Governing Body ye kolyuk lun ngun mutal, ku in fwak pa la elos oasr ke lepo leyut (ku, oasr ye kolyuk) lun Met Seperd Mwomwo, Jisus Kraist. (Isaia 61:5, 6) Meyen met elder ke congregation lasr elos akpusiselyelos nu sin Kraist, su Sifwen congregation, fwal kut in akkalemye akesrui lasr nu selos ke inkanek nukewa.—Kolosse 1:18.
Oiyen Akosten a Oiyen Pusisel
7. Kas in kai fuka Poul el akkalemye ke oiya lasr nu sin met Kristian elder nukewa?
7 Jeova God a Jisus Kraist, elos su met Seperd lasr in kosrao, elos tupan kut in akkalemye akosten a oiyen pusisel lasr nu sin met seperd puspus su elos srusrngiyuki nu ke kunokon puspus ke congregation. (1 Piter 5:5) Ke kasru lun ngun mutal, met sap Poul el simusla: “Komwos esam elos su met kol lomwos, su fwak nu sumwos kas lun God, a komwos etawi lulalfongi lalos ke komwos liye sripen moul lalos. Komwos in akos met kol lomwos, a akpusiselye komwos nu selos, tu elos liaung pal nukewa nu ke ngunumwos, oana elos su fwa fwakak orekma lalos; tu elos fwa ku in fwakak ke engun, a tia ke asor; tu ma inge tia mwo nu sumwos.”—Hibru 13:7, 17, NW.
8. Mea Poul el sapkin kut in “nunku yok,” ka a ke oiya fuka kut enenu in akkalemye “akosten” lasr?
8 Loang akmwoye nu ka la Poul el suli kut in “nunku yok,” ku loang akmwoye, ke fwako mwo ke oiyen oaru lun met elder puspus a in etawi me srikasrak puspus inge ke lulalfongi. Sayen ma inge, el kai kut in akos a in akpusiselye kut nu ke kolyuk lun met srusrngiyuki nukewa inge. Oasr sie scholar lun Baibel su pangpang R. T. France el akuteye la ke kas Grik, kas inge su lungasyukla nu ke “in akosten” el tia “kas se su orekmakinyuk pal nukewa ke akosten, a el kalmekin nu ke ‘kaifweyuk,’ su akkalemye sie oiya mwo in eis me kolyuk lalos ke inse mulala.” Kut akos met elder tia ke sripen kut sapkinyuk in oru ma inge ke Kas lun God tusruktu ke sripen kut kaifweyuk ku akkeyeyuk la elos lungse in oru ma mwo emeet nu ke ma puspus lun Togusrai a ma mwo emeet nu sesr. Paye la kut fwa insemwomwo fwin kut eis me kolyuk lalos ke inse mulala lasr.
9. Efu ku eneneyuk nu sesr in “akpusiselye” in wekunang pa akosten?
9 Tusruktu, oiya fuka kut fwa akkalemye fwin kut tia lulalfongi na paye ke kutu inkanek in kolyuk lun met elder in pa inkanek mwo emeet in oru ma puspus? Pa inge pal su oiyen pusisel eneneyuk. Arlanu fusrasr in akos fwin ma nukewa el kalem a kut insese ka, tusruktu kut fwa akkalemye la kut lungse in pusisel kut fwin akos fwinne kut tia kalem ke kas in kolyuk su akkalemyeyuk. Piter, su tok el ekla sie met sap, el akkalemye ke kain in pusisel inge.—Luk 5:4, 5.
Sripe Akosr in Akesrui nu sin Met Liaung ke Inse Mulala
10, 11. Ke inkanek fuka met liaung elos “fwak kas lun God” nu sin met Kristian wiyelos in century se meet a ke pal inge?
10 In Hibru 13:7, 17, su akkalemyeyuk lung, ke met sap Poul el akkalemye sripe akosr nu ka la efu kut enenu in akos a pusisel nu sin met Kristian elder nukewa. Ma se meet pa ke sripen elos “fwak kas lun God” nu sesr. Esam la “me sang nu sin metu” su Jisus el sang nu sin congregation elos sang kasru “in aksumwosye met mwo.” (Efesus 4:11, 12) El aksumwosye nunak a oiya lun met Kristian puspus in century se meet ke inkanek lun met seperd oaru puspus, su kutu selos eis kasru lun ngun mutal in simusla leta puspus nu sin congregation puspus. El orekmakin met liaung ku met elder nukewa su akmusrala in ngun in kol a akkeye met Kristian in pal meeta.—1 Korint 16:15-18; 2 Timote 2:2; Taitus 1:5.
11 Misenge, Jisus el kol kut ke inkanek lun “met kulansap oaru a lalmetmet,” su aolyukla sin Governing Body lal a sin met elder nukewa su srusrngiyuki. (Mattu 24:45) Ke sripen sunak lasr nu sin “met seperd lulap,” Jisus Kraist, kut porongo kas in kai lal Poul: “Komwos in etalos su orekma in masrlomwos, a liyekomwosyung in Leum, a kai komwos.”—1 Piter 5:4; 1 Tessalonika 5:12; 1 Timote 5:17.
12. Fuka met elder elos “liaung pal nukewa nu ke ngunasr”?
12 Sripe akluo su eneneyuk in akesrui nu sin met Kristian nukewa su kol pa elos “liaung pal nukewa nu ke ngunasr.” Fwin elos liye kutena ma ke oiyesr ku ella lasr su ku in aksensenye oiyen ngun lasr, elos sa in use kas in kasru su eneneyuk a nunku ke me aksumwos nu sesr. (Galetia 6:1) Kas Grik su lungasyukla nu ke “liaung pal nukewa” el kalmekin nu ke “kafweang in tia motul.” In fwal nu ke sie Baibel scholar el akkalemye, ma inge “kalmekin nu ke orekma lun sie met seperd in sano ku liaung pal nukewa.” Sayen orekma lalos in sruokye oiya mwo lalos in sano ku liaung pal nukewa, met elder elos tia ku in motulla ke fong ke sripen elos nunku yok ke orekma lasr in alu nu sin God. Ya kut tia akkalemye inse mulala in akesrui nu sin met liaung mwomwo a kulang nukewa inge, su oru ke ku lalos kemwa in etawi karunginyuk mwomwo su orek sin Jisus Kraist, el su “met seperd lulap lun sipu”?—Hibru 13:20.
13. Nu sin su a ke inkanek puspus fuka met liaung nukewa a met Kristian nukewa elos fwa eis nununku?
13 Sripe aktolu in akkalemye inse mulala lasr in akesrui nu sin met elder puspus pa ke sripen elos karungin kut “oana elos su fwa fwakak orekma lalos.” Met liaung nukewa elos esam la elos met seperd, su kulansap ye kolyuk lun met Seperd lasr in kosrao, Jeova God a Jisus Kraist. (Ezikiel 34:22-24) Sip nukewa Ma nutin Jeova, “su el moli ke sran Mwen sifwana natul,” a El fwa sang nununku nu sin met liaung nukewa su srusrngiyuki ke oiya su elos akkalemye nu sin un sip Lal, su enenu in orek ke “inkanek mwo a kulang.” (Orekma 20:28, 29, NW) Ke ma inge, kut nukewa fwa nununkeyuk sin Jeova ke oiya su kut akkalemye nu ke kolyuk lal. (Rom 14:10-12) Akosten lasr nu sin met elder su srusrngiyuki el sang pa me akpayeye nu ke oiyen pusisel lasr nu sin Kraist, su Sifwen congregation.—Kolosse 2:19.
14. Mea ku in oru met Kristian elder elos in kulansap “ke asor” ku keok a mea fwako puspus lun ma inge?
14 Poul el akkalemye ke sripe akakosr la efu ku kut enenu in akpusiselye kut nu sin met Kristian elder nukewa. El simusla: “Tu elos fwa ku in fwakak ke engun, a tia ke asor, tu ma inge tia mwo nu sumwos.” (Hibru 13:17) Oasr kunokon yok puspus lalos oana kunokon in luti, in liaung, kol orekma in sulkakin peng mwo, karungin sou lalos, a in sang kasru in aksumwosye ma upa nukewa su sikyak ke congregation, paenang met Kristian elder elos wis me utuk toasr. (2 Korint 11:28, 29) Kut fwin tia akesrui nu selos, kut aktoasrye na paye me utuk toasr lalos. Ma inge fwa oru elos in “asor.” Oiyesr su akkalemye mu kut srunga in akesrui el tia me akinsemwomwoye nu sin Jeova a ma inge ku in me akmunas nu sesr. A, kut fwin akkalemye sunak a oiya su lungse in akesrui, met elder elos ku in akpayeye kunokon lalos wi insemwomwo, a ma inge sang kasru in oasr inse sefwanna a insemwomwo yok in wi ke orekma in sulkakin peng mwo lun Togusrai.—Rom 15:5, 6.
Akkalemye Oiyen Pusisel Lasr
15. Fuka kut ku in akkalemye akosten a oiyen pusisel lasr?
15 Oasr inkanek mwomwo puspus su kut ku in akkalemye ke akesrui lasr nu sin met liaung su srusrngiyuki. In akfwalye me enenu nu ke ma sasu puspus su sikyak ke territory, ya met elder elos orala akwuk in tukeni nu ke orekma in luti ke len puspus a pal puspus su oasr eneneya in ikulyukla wekunang pa akwuk lasr? Lela kut in kafweang yok in sang kasru nu ke akwuk sasu nukewa. Kut ku in eis me insemwomwo puspus su kut tia nunku ka. Ya service overseer el oru muteta lal nu ke Congregation Buk Study lasr? Lela kut in wi ke inkanek yok nu ke orekma in luti ke saflaiyen week sa. Ya kut eis kunokon nu ke Theocratic Ministry School? Kut enenu in kafweang in wi ka a akpayeye kunokon lasr. Ya met liaung ke buk study lasr el akkalemye la oasr kunokon lun u lasr in aknasnasye Kingdom Hall? Lela kut in kasrel ke inkanek nukewa, fwin manosr a ku lasr lela kut in oru. Ke inkanek nukewa inge a ke kutupa oiya, kut akkalemye oiyen pusisel lasr nu sin met nukewa su Jeova a Mwen natul elos srusrngiye in sang karungin u se ku congregation se.
16. Fwin sie met elder el tia oru ma puspus oana ma sapkinyuk, efu ku ma inge tia orala sripe mwomwo se kut in seakos a lain?
16 Kutu pal, saap sie met elder el tia oru ma puspus oana ma sapkinyuk sin met kulansap oaru a lun Governing Body. Fwin el tafwela in oru ma inge, el fwa eis nununku sin Jeova, su “met seperd a met liaung ngunasr.” (1 Piter 2:25) Tusruktu kutena ma tafongla su orek sin kutu met elder el tia sripe mwomwo se kut in akkalemye la kut srunga in aksoltal ka. Jeova el tia sang me kasru lal nu ke orekma lun seakos a lain.—Oekyuk 12:1, 2, 9-11.
Jeova el Akinsemwomwoye Orekma in Akesrui Paye
17. Oiya fuka kut enenu in akkalemye nu sin met liaung nukewa lasr?
17 Jeova el etu la met puspus su el srusrngiye oana met liaung elos met sesumwos. Ne oinge, el orekmakinelos, a ke inkanek lun ngun mutal, el karungin a kite met nukewa lal fwin fwalu. Ma inge paye nu sin met elder nukewa—a nu sesr nukewa—tu “yoklanu lun ku fwa ma sin God me a tia ma sesr sifwana.” (2 Korint 4:7) Ke ma inge kut enenu in sang kulo nu sin Jeova ke ma el oru ku akpayeye ke inkanek lun met liaung oaru nukewa lasr, a kut enenu in akkalemye nu selos akesrui lasr ke inse mulala lasr.
18. Fwin kut akpusiselye kut nu sin met liaung lasr, mea kut oru na paye?
18 Met liaung elos arlanu kafweang in akfwalye moul lalos nu ke akwuk su Jeova el akkalemye ke met seperd su srusrngiyuki nu fwin u lal ke len safla inge, oana ma simusla in Jeremaia 3:15: “A Nga fwa sot nu sumwos met seperd oana insiuk, su fwa kite komwos ke lalmetmet a etauk.” Paye met seperd su oasr inmasrlosr elos oru orekma mwomwo in luti a karungin sip lun Jeova. Lela kut in tafwela in akkalemye kulo wi kaksak lasr ke orekma upa lalos ke inkanek lun orekma in akesrui mwomwo lasr, akosten lasr, a oiyen pusisel lasr. In oru oinge, kut fwa akkalemye ku sang kulo wi kaksak lasr nu sin met Seperd lasr in kosrao, Jeova God a Jisus Kraist.
Ke Inkanek lun Kalweni
• Fuka Jeova a Jisus Kraist elos akpayeye la elos met Seperd kulang?
• In wekunang nu ke oiyen akosten, efu ku oiyen pusisel eneneyuk?
• Ke inkanek mwo puspus fuka kut ku in akkalemye ke oiyen pusisel lasr?
[Picture on page 15]
Met Kristian elder elos akpusiselyelos nu ke kolyuk lun Kraist
[Pictures on page 17]
Oasr inkanek puspus in akkalemye pusisel lasr nu sin met seperd nukewa su Jeova el srusrngiyuki