Eis Kasru Lun God Moul

“Forla . . . nu sin God moul, su orala kosrao a fwalu a mwea a ma nukemwa su on lu.”​—OREKMA 14:15.

1, 2. Efu ku arulanu fwal in akilen Jeova oana “God moul”?

TOKIN met sap Poul a Barnabas elos akkeyela mas lun sie met, Poul el fwak nu sin met Listra su liye ma sikyuk: “Kut met oapana komwos, a wise nu sumwos peng mwo, tu komwos in forla liki ma lusrongten inge nu sin God moul, su orala kosrao a fwalu a mwea, a ma nukemwa su on lu.”​—Orekma 14:15.

² Paye la Jeova, el tia ma srulela se su wangin moul, a “el God moul se”! (Jeremaia 10:10; 1 Tessalonika 1:9, 10) Sayen el moul, Jeova el pa sropon moul lasr. “Tu el sifwana sang nu sin met e nukemwa moul a momong a ma nukemwa.” (Orekma 17:25) El engunkin in liye ke kut insemwomwokin moul in pal inge a moul ke pal fwasru. Poul el oayepa fwak la God “El tia sifwana fililye a wangin ma lo, tu el oru ma mwo, a sot nu sumwos af in kosrao me a pal mut, a sesesla insiomwos ke mongo a insemwomwo.”​—Orekma 14:17.

3. Efu kut ku in lalalfongi kolyuk su Jeova el oru?

³ Insemwomwo lun God nu ke moul lasr paenang kut ku in filiye lalalfongi yok lasr nu ke kolyuk lal. (Sam 147:8; Mattu 5:45) Saap oasr kutu met elos tia ku in lalalfongi ke kolyuk lal fwin elos koneak la oasr masap lun Baibel su elos tia kalem ka ku luman eisla sukosok lalos. Tusruktu, in lalalfongi ke kolyuk lun Jeova oasr me akpayeye ka la pa inge inkanek lalmetmet a sumwos. In aketeye ke me pupulyuk: Fwin pa sie met Israel el tia kalem ke masap su tia lela in kalyuk monun met mise, tusruktu el ku in akinsemwomwoyeyuk fwin el akos ma inge. Ma se meet, akos lal kasrel in futoto liki meeta nu sin God moul; Ma se akluo, ma inge fwa kasrel in fwasr liki mas.​—Livitikus 5:2; 11:24.

4, 5. (a) Meet liki pal lun met Kristian, kain in kolyuk fuka ke sra Jeova el sapkin? (b) Kut etu fuka la met Kristian nukemwa enenu in akos masap ke kolyuk lun God ke sra?

⁴ Akwuk inge tia ekla liki masap lun God ke sra. El fwak nu sel Noa la metu tia enenu in mongo ku nim sra. Oayepa ke Masap, God el akkalemye tari la sra el ku in orekmakinyuk mukena ke me kise fwin loangu​—in eis nunakmunas ke ma koluk. Ke inkanek lun kas in kasru inge, God el oakiye akwuk mwo nu ke orekmakinyen sra​—in molela moul puspus ke inkanek lun lango lun Jisus. (Hibru 9:14) Aok, akwuk mwolanu lun God el me karungin moul lasr a me insemwomwo lasr. In aketeye Genesis 9:4, Adam Clarke el sie scholar ke Baibel ke century ak-19 el simusla: “Masap inge [nu sel Noa] srakna akosyuk sin met Kristian oana Eastern Orthodox . . . Wangin sra orekmakinyuk nu ke me mongo ye masap, meyen ma inge akkalemyeyuk nu ke sra su fwa aksuroryeyukla ke ma koluk lun metu; Ye akwuk lun met Kristian ma inge tia ku in orekmakinyuk nu ke me mongo, meyen ma inge enenu in esamyuk pal nukemwa oana sie ma su aolyen sra su aksuroryeyukla tari in ella ma koluk.”

⁵ Scholar se inge sramsramkin pa gospel, ku peng mwo su sramsramkin yok ke moul lun Jisus. Wekunang ma inge pa ke pal se God el supwema Mwen natul in mise kesr, in aksuroryela sral tu kut in eis moul ma patpat. (Mattu 20:28; Jon 3:16; Rom 5:8, 9) Comment lun scholar se inge el sramsramkin pa masap nu sin met nukemwa su fwasr tokin Kraist elos enenu in fwasr liki sra.

6. Masap fuka ke sra etukyung nu sin met Kristian, a efu?

⁶ Kom etu la God el sang nu sin met Israel masap su sun foko foko. Tokin Jisus el mise tari, met tuma lutlut puspus lal elos tille enenu in orekmakin masap puspus inge. (Rom 7:4, 6; Kolosse 2:13, 14, 17; Hibru 8:6, 13) Tusruktu, tokin kutu pal sie kusensiyuk sikyuk ke sie akwuk yok sripe​—kosroila lun mokul. Ya sie met su tia met Ju su lungse in eis me insemwomwo ke sran Kraist enenu in kosroila, akkalemye la elos srakna oasr ye Masap? In yea 49 C.E., governing body lun met Kristian elos nunku yok a suk me top nu ke kusensiyuk inge. (Orekma, sapte 15) Ke kasru lun ngun lun God, met sap puspus a met matou puspus elos oru sulela lalos ke orekma lun kosroila su aksafyeyukla pa wi Masap. Fwinne oinge, kutu sin masap mutal lun God srakna fwal met Kristian in orekmakin. Ke sie leta nu sin congregation puspus, governing body elos simusla: “Ngun mutal a kut sifwana insese in tia filiye nu fomwos kutena ma toasr, su yok liki ma inge su eneneyuk, tu komwos in tia eis ma kisekinyuk nu sin me srulela, a sra, a ma loksakla, a komwos in tia kosro. A fwa mwo nu sumwos, komwos fwin liyekomwosyang liki ma inge.”​—Orekma 15:28, 29.

7. Sripe yok fuka nu sin met Kristian in ‘fwasr liki sra’?

⁷ Arulanu kalem la, nunak lun governing body nu ke masap inge in ‘fwasr liki sra’ el yok sripe oapanu in fwasr liki orekma lun kosro ku alu nu ke ma srulela. Ma inge orala me akpayeye la in fwasr liki sra el sie ma su arulanu yok sripe. Met Kristian su lungse in oru orekma lun kosro ku alu nu ke me srulela a srunga in forla liki orekma koluk inge tia ku in “usrui Togusrai lun God”; “usru lalos pa . . . mise akluo.” (1 Korint 6:9, 10; Fwakyuk 21:8; 22:15) Loang akmwoye nu ke luma su tia oana sie inge: In pilesru akwuk lun God ke oiye mutal lun sra a orekmakin sra nu ke moul ku in kol nu ke mise ma patpat. In akkalemye akfulat ku sunak nu ke me kise lun Jisus ku in kol nu ke moul ma patpat.

8. Mea akkalemye la met Kristian in century se meet a meet liki pal lasr elos akos kolyuk lun God ke sra?

⁸ Met Kristian in century se meet elos kalem a akos fuka akwuk lun God nu ke sra? Esam me fwak lal Clarke: “Ye akwuk lun met Kristian ma inge tia ku in orekmakinyuk oana me mongo, meyen ma inge enenu in esamyuk pal nukemwa oana sie ma su aolyen sra su aksuroryeyukla tari in ela ma koluk.” Me sramsram matu el sang me akpayeye la met Kristian in pal ingo elos nunku a orekmakin sumwos ma inge. Tertullian el simusla: “Nunku ke met puspus su nunku yok ke malu lalos, ke sie show in sie arena ku loom in orek sritel, elos eis a nim sran met koluk puspus . . . a orekmakin ma inge in akkeye mas lalos su pangpang pulkoa.” In tia oana sie ke oiyen met pegan puspus su nim a kang sra, Tertullian el fwak la Met Kristian “elos tia orekmakin fwinne sran kosro ke mongo nelos . . . Ke me srifwe su orek nu sin met Kristian puspus su kom sang nu selos sausage puspus su tingtingi ke sra yok ka. Fwinne kom etu tari, la nu selos oiya se inge tia fwal nu ke masap.” Aok, fwinne oasr me sensen nu ke mise, met Kristian elos fwa tia orekmakin sra. Masap lun God arulanu yok sripe nu selos.

9. Mea pa weang masap inge in sensenkin liki sra ke akwuk lun ituk sra?

⁹ Oasr kutu met elos nunku mu governing body elos lungse na met Kristian puspus in tia kang ku nim sra ku in tia kang ikwen kosro su tia aksuroryeyukla sra ka ku mongo su oasr sra ka. Paye, pa inge kalme se-meet lun masap lun God nu sel Noa. A paye pa la masap su orek sin met sap puspus sapkin nu sin met Kristian nukemwa ‘elos in sifwana srukelosi liki ma loksakla,’ su sra srakna oasr ke ikwe. (Genesis 9:3, 4; Orekma 21:25) Tusruktu, met Kristian in century se-meet elos etu la srakna oasr kalme saye su arulanu yok sripe. Kutu pal sra el orekmakinyuk oana ono nu ke mas. Tertullian el simusla la oasr inkanek su sukok in sang akkeyela mas se inge pulkoa, paenang oasr kutu sin met pegan elos nim fresh blood. A oasr pa kutu inkanek in orekmakinyuk sra nu ka oana ono nu ke mas, ku in akmwoye mano in fukoko. Paenang, nu sin met Kristian nukemwa, elos enenu in fwasr liki sra in tia orekmakin ma inge wekunang nu ke “akwuk lun ono.” Elos tu ku ke sulela lalos inge fwinne ma inge paenang moul lalos in sun me sensen.

Sra el Orekmakinyuk oana Ono

10. Mea kutu inkanek su sra el orekmakinyuk nu ka oana ono, paenang kusensiyuk fuka sikyuk?

¹⁰ Ke pal inge sra el orekmakinyuk nu ke inkanek lun ono. In pal meeta ituk sra ke monin met se whole blood orekmakinyuk​—itukla liki monin sie donor, stored, a etukyang nu sin sie met mas, saap sie met su musalla mano ke meun. Fwasru nu tok kutu, met puspus su oru research lalos elos koneak in srelik sra nu ke ip puspus. In orekmakin kais sie ip lun sra, taktu puspus elos ku in kitakatelik sran sie met nu sin kain in met mas puspus, saap plasma nu sin met, a red cells nu sin kutu pa. Lutlut ku research su srakna orek in pal inge koneak la ip puspus ke sra, oana plasma, ku in sifwil pa kitakatelik nu ke ip srisrik puspus, su ku in orekmakinyuk oana ono nu sin met mas puspus. Inkanek in sang nawu in kitakatelik lun ip ke sra srakna orek, a oasr report akkalemye la ip srisrik lun sra el ku in orekmakinyuk nu ke inkanek sasu. Mea nunak ku pulakin lun sie met Kristian nu ke orekmakinyen ip srisrik puspus ke sra? El sulela tari in tia eis blood transfusion, tusruktu taktu lal kaifwel in eis meyen yok eneneya, oana pak ke red cells su sriyukla liki kutu ip puspus saye ke sra. Ku sie therapy saap el orekmakin lupa na srisrik su itukla liki kutu ip ke sra. Fuka sie met kulansap lun God el ku in oru sulela lal nu ke kusensiyuk puspus inge, la sra el mutal a la sran Kraist el me molela moul in pal in ongoiye nukemwa?

11. Kain in nunak ku oiya fuka ke sra orekmakinyuk oana ono su Met Lo elos kaifweang in akos a sruokye ku?

¹¹ Met Lo puspus lun Jeova in pal somla elos oru lalalfongi lalos kalem. Ke sie pupulyuk, elos simusla sie leta ke me lutlut su simusyukla ke magasin se inge The Journal of the American Medical Association (November 27, 1981; sifwil pa simusyukla ke buk srisrik inge How Can Blood Save Your Life? ke sra 27-9 in buk inge).a Me lutlut inge ma tuku ke Genesis, Livitikus, a Orekma. El fwak: “Fwinne fus puspus inge tia fwakyuk ke kas puspus su orekmakin ke akwuk lun ono, tusruk Met Lo puspus elos liye ma inge oana sie masap su lain transfusion lun whole blood, pak in RBCs [red blood cells], a plasma, wikin pa orekmakinyen WBC [white blood cell] a platelet.” Textbook se inge Emergency Care su orek in yea 2001, ke sifwe se inge “Composition of the Blood,” el fwak: “Sra el orekla ke ip srisrik puspus oana: plasma, red a white blood cells, a platelets.” Paenang, in fwal nu ke me akpayeye puspus ke akwuk lun ono, Met Lo nukemwa elos tia orekmakin sra nu ke ma nukemwa ku ituk sra nu ke kutena kain in me enenu.

12. (a) Kain in sulela fuka akkalemyeyuk nu ke ip srisrik su orekla ke kutu sin ip yok ke sra? (b) Piye kutu pa me aketeye ke sra ku in koneyukyak?

¹² Me lutlut ke akwuk lun ono sifwil tafweyukla: “Kalem lun Met Lo nukemwa ke sra tia tulokinye inkanek in orekmakin sra nu ke ip srisrik lun ono inge albumin, immune globulins, a hemophiliac preparations; kais sie Met Lo enenu in oru sulela lalos fwin elos lungse in eis ma inge.” Mutamwauk in yea 1981, oasr ip srisrik puspus srisrila liki kais sie ip yok akosr ke sra inge in orekmakinyuk oana ono. Arulanu fwal nu ke, The Watchtower lun June 15, 2000, su oru me aketeye in sang kasru yok ke me lutlut se ke sie sifwe su fwak “Questions From Readers.” Ke ma lane yok nu sin million puspus met su insemwomwo in ridi magasin inge, wikin me top su oasr ke sra 29-31 ke magasin inge. Me lutlut inge orala me aketeye mwomwo puspus a me top mwomwo puspus, tusruktu kom ku in liye pa la inge fwal nu ke me aketeye puspus su akkalemyeyuk tari in yea 1981.

Orekmakinyen Pulakin Lom

13, 14. (a) Mea kalmen pulakin, a fuka orekmakinyen ma inge nu ke sra? (b) Masap fuka God el sang ase nu sin met Israel ke ikwe in oana me mongo, tusruktu kain kusensiyuk fuka sikyuk?

¹³ Me kasru mwomwo eneneyuk nu sin sie met in orekmakin fwal nu ke pulakin lal in oru sulela. Efu? Meyen met Kristian elos etu sumwos la mwo kolyuk lun God, tusruktu kutu pal kut enenu in oru sulela lasr sifwana, in fwal nu ke pulakin lasr. Pulakin lasr el me usru lun metu in sang kasru ke pal in oru kain in sulela nukemwa, a in wekunang pa sulela nu ke kusensiyuk puspus su siyukyuk ke oiyen moul nasnas. (Rom 2:14, 15) Tusruktu kom etu la, pulakin lun met puspus tia oana sie.b Baibel el akkalemye la kutu met ‘munas pulakin lalos,’ a nu sin kutu pulakin lalos fukoko. (1 Korint 8:12) Tia oana sie etauk lun met Kristian puspus nu ke ma lungse lun God, in etu a pula mea nunak lal, a in orekmakin nunak lun God nu ke pal in oru sulela puspus. Kut ku in pupulyukin ma inge nu sin met Ju a ke kangyen ikwen kosro.

¹⁴ Arulanu kalem ma Baibel el fwak la sie met su akos God fwa tia enenu in mongo ikwe fwin sra tia aksuroryeyukla liki. Masap inge arulanu yok sripe paenang fwinne oasr me enenu yok su paenang solse lun an Israel elos in kang ikwe su tia aksuroryeyukla sra ka, oasr meta yok, ku ma koluk upa nu selos. (Duteronomi 12:15, 16; 1 Samuel 14:31-35) Ke ma inge, oasr kusensiyuk puspus sikyuk in pal ingo. Ke pal se met Israel se el uniye soko sip, el aksurorye fuka sran kosro ke pal sa? Ya el enenu in liseya inkawen kosro in aksurorye sra? Ya el enenu in kapriye nie luo tok ke sip in sripsripyak? Putaka? El aksurorye fuka sran kao lulap? Fwinne sra el aksuroryeyukla tari, tusruktu srakna oasr kutu srisrik sra ke ikwe. Ya el ku in kang ikwe inge? Su fwa oru sulela?

15. Fuka kutu sin met Ju elos topuk ke oiyen kang ikwe, tusruktu mea God el sapkin?

¹⁵ Nunku fwin sie met Ju su akos akwuk inge el sun kain in kusensiyuk puspus inge. El enenu in nunku akmwoye nu ke eisyen ikwe su kukakunyuk ke market fwin pa inge inkanek mwo emeet, a oapanu nu sin sie met Ju el fwin srunga in kang ikwe fwin ma inge kisekinyuk nu ke ma srulela. Kutu sin met Ju elos kang ikwe fwin elos oru fwal nu ke akwuk in aknasnasyela sra.c (Mattu 23:23, 24) Mea kom nunku ke kain in pulakin a nunak ku sulela puspus inge? Oayepa, ke sripen God el tia siyuk kain in nunak ku sulela puspus inge, ya fwal nu sin met Ju elos in siyuk kusensiyuk puspus nu sin un met luti lalos su pangpang rabbi in eis sulela ke kais sie luma? Fwinne oiya se inge oasr tari ke alu lun Judaism, kut insemwomwo in etu la Jeova el tia sapkin met kulansap paye lal in oru sulela ke sra ke inkanek inge. God el sang masap in uniye kosro puspus a ke inkanek sumwos in eisla sra, tusruktu el tia oru alukela in sang masap srisrik puspus nu ka.​—Jon 8:32.

16. Efu ku nunak lun met Kristian puspus tia oana sie nu ke ono su tuku ke ip srisrik ke sra fwin elos eis ku tia?

¹⁶ In fwal nu ke ma akkalemyeyuk tari in paragraph 11 a 12, Met lo lun Jeova elos tia ituk sra ku orekmakin ip yok akosr lun sra​—oana plasma, red cells, white cells, and platelets. Fuka ke ip srisrik su tuku ke ip yok inge, oana serums ku ono su oasr antibodies in sang lain sie mas ku in orekmakin oana ono nu ke snake venom? Kutu sin metu fwak mu ip srisrik inge, tille pangpang sra a ke sripe inge paenang tia wi ke masap inge in sensenkin ‘liki sra.’ (Orekma 15:29; 21:25) Elos fwa sifwana eis metan sulela su elos oru. Pulakin lun kutu met Kristian elos mutamwauk in pilesru ma nukemwa ma tuku ke sran kosro ku sran met, fwinne ip srisrik su tuku ke sie ip yok lun sra.d Oasr kutu met elos eis fakfuk lun plasma protein in sang lain mas ku in kunausla venom ku poison lun snake, tusruktu elos srunga in eis kutu pa ip srik ka. Ke ma inge, oasr ono ma orekla ke sie sin ip yok lun sra inge fwa orekmakinyuk oana sie nu ke whole component a ku in orekmakinyuk in sang kasru monin met paenang met Kristian puspus elos koneak la ma inge tia mwo.

17. (a) Fuka pulakin lasr ku in kasre kut ke pal se fwin oasr kusensiyuk ke ip srisrik ke sra? (b) Efu ku in orala sulela nu ke akwuk inge yok sensen ka?

¹⁷ Ma su Baibel el akkalemye ke oiyen pulakin u el sang me kasru mwomwo nu ke oreyen sulela puspus lasr. Inkanek se meet pa in lutlut in eis etauk ke ma Kas lun God el fwak a in kaifweung in sang akpa nu ke pulakin lom fwal nu ke Kas lun God. Ma inge ku in kasre kom in oru sulela fwal nu ke kolyuk lun God a ma inge mwo liki in siyuk sin kutena met in kasre kom oru sulela lom. (Sam 25:4, 5) In nunku in eis kutu srisrik ke sra, oasr kutu met elos nunku mu, ‘Ma inge wiwi na pulakin su oasr in sang oru sulela, pasis ma inge tia arulanu yok sripe.’ Sito kain in nunak inge. Paye la oasr kutu ma su orekmakinyuk pulakin nu ka paenang tia fwal in kalmekin mu ma inge tia yok sripe. Sulela lasr oasr sripe na paye. Sie sripe u pa sulela lasr el ku in akkolukye met su pulakin lalos tia oana sie nu ke pulakin lasr. Kut kalem ke kas in kasru lal Poul nu ke ikwe su kisekinyuk nu ke ma srolela a tok kukakinyuk ke market. Sie met Kristian el enenu in taran in tia ‘konteya ella munas lalos.’ Fwin el aktukulkulye kutu met, el ku in ‘kunausla met lili su Kraist el mise kel’ a oru ma koluk lain Kraist. Paenang, fwin oasr kusensiyuk puspus orek ke oiyen sra na srisrik lela kais sie met in sifwana oru sulela lal, kain in sulela puspus enenu in orek ke inkanek in sensen yok.​—1 Korint 8:8, 11-13; 10:25-31.

18. Fuka sie met Kristian el ku in akmunasyel ku kunausla oiyen pulakin lal ke el oru sulela lal ke sra?

¹⁸ Siepa ma su oasr eneneya in nunkeyuk pa ke me sensen yok su orek ke me sulela puspus lun sra. Pa inge ma sulela inge fwa oru nu sum. Kom fwin eis kutu sriksrik ke sra a ma inge akkolukye oiyen pulakin lom su kom eis tari ke akpa fwal nu ke etauk mwo lun Baibel, kom tia enenu in pilesru ma inge. Ku kom enenu in tia tulokinye oiyen pulakin lom ke sripen sie met el fwak nu sum mu, ‘Tia koluk in eis kutu sriksrik ke sra; met puspus elos eis kutu sriksrik ke sra.” Esam, million sin met ke pal inge elos pilesru oiyen pulakin lalos, a ma inge mutamwauk in sremla in elos ku kol nu ke mise, ke sripen pulakin lalos oru elos in kaskas kikiap ku kutu pa ma koluk su tia eis meta. Met Kristian puspus elos enenu in fwasr liki kain in oiya ku ella inge.​—2 Samuel 24:10; 1 Timote 4:1, 2.

19. In oru sulela nu ke kusensiyuk ke ono su orekmakin sra, mea kut enenu in esam?

¹⁹ Apkuran nu ke saflaiyen me lutlut, me top su sifwil pa simusyukla ke sra 29-31 ke magasin inge su el fwak: “Ke sripen nunak puspus a sulela puspus su orekmakin oiyen pulakin ku in tia oana sie, ya kusensiyuk inge tia na yok sripe? Mo. Ma inge oasr sensen yok ka.” Ma inge yok sensen ka ku arulanu yok sripe meyen futoto lom nu sin “God moul” oasr ka. Kain in futoto inge pa inkanek sefwanna su ku in kol nu ke moul ma patpat, fwal nu ke ku lun sran Kraist in molikomla. In akyokye kain in nunak inge a kain in sunak mwo nu ke sra ke sripen ma God el oru ku in akpayeye inkanek lun ma inge​—in molela moul puspus. Poul el simusla: “A wangin fwinsrak yuromwos a komwos sayen God fwin fwalu. A in Kraist Jisus komwos, su muta loesla meet, inge komwos apkurun ke sran Kraist.”​—Efesus 2:12, 13.

[Footnotes]

Ya Kom Esam?

• God el orala kain in masap fuka ke sra nu sel Noa, nu sin met Israel nukemwa, a nu sin met Kristian nukemwa?

• Mea Met Lo lun Jeova elos tia oru ke sra?

• Ke oiya fuka sulela lun sie met Kristian orek fwal nu ke pulakin lal in eis ip srisrik ke sra, tusruktu ma inge tia kalmekin nu ke mea?

• In oru sulela nukemwa, efu kut enenu in esam pal nukemwa in karungin futoto lasr nu sin God?

[Chart on page 16]

(For fully formatted text, see publication)

Lalalfongi Ku Ke Sra

SRA

▼ ▼ ▼ ▼

TIA KU IN EIS Red cells White cells Platelets Plasma

MET KRISTIAN ▼ ▼ ▼ ▼

ELAN SULELA Ip srisrik Ip srisrik Ip srisrik Ip srisrik

ma tuku liki ma tuku liki ma tuku liki ma tuku liki

red cells white cells platelets plasma

[Picture on page 14]

Governing body elos sulela tari la met Kristian nukemwa enenu in ‘fwasr liki sra’

[Picture on page 17]

Nik met pilesru pulakin lom kom fwin enenu in oru sulela nu ke sie ip srisrik ke sra