“Suk Misla A Orekmakin”
“Komwos fwin ku, oana on yurumwos, komwos misla yurin met nukewa.”—ROM 12:18.
1, 2. Piye kutu sripe su paenang akmwuk-lun metu tia ku in oakiye misla ma patpat?
NUNKU ke sie loom su arulana munas foundation ka, kulawi sru ka, a patpatu fwasu ka. Ya kom lungse in eis a orekmakin loom inge? Saap tia ku in ou inge. Meyen fwinne itukyang sroal sasu sang sroalela tusruk tia ku in akkeyela in ku loom san. Meyen e tia pat loom san fwa ikori musalla.
2 Kutena akmwuk lun misla su tuku ke fwal se inge lumeyuk oanu loom se inge. Meyen misla inge musaiyukyak ke foundeson na munas—su tuku ke kain in mwolela puspis a akmwuk lun met “su wangin kasru yuro.” (Sam 146:3) Sramsram matu akkalemye ke me keok puspis su sikyuk in pal loeloes somla fwafwasru in masrlon mutanfwal, un kain in met puspis, a sruf puspis. Paye, la tu oasr misla sie pal, tusruktu kain in misla fuka? Fwin pa mutun fwal luo orek meun in masrlolos ne tok elos insesela in oakiye misla in masrlolos ke sripen sie selos kuf ku ke sripen mutun fwal luo inge koneak tu wangin na sripe mwomwo elos in meun sie sin sie na elos oakiye misla, anu kain in misla fwuka inge? Ke sripen srunga, nunak koluk, a sok su ku in sramteak meun tia na wanginla. Kain in misla su tia paye, a mwena luma in oanu ke mwan ma se el ‘sroleyukla in sasu la mukena’ tusruk tia mwola na paye na e oapanu ke fwin oasr mulat sikyak na tulokinyuki, misla ou inge tia oan ke pal loeloes.—Ezekiel 13:10.
3. Efu ku misla lun met lun God sie liki kutena misla su tuku sin met u?
3 Tusruktu, oasr misla paye akilenyuk fwin fwal se inge su tingtingi na ke ma koluk-a-meun. Oasr oya? Oasr in masrlolos su fwasr tukun Jisus Kraist, oanu met Kristian paye su orekmakin sumwosna kas lun Jisus a kaifweang in moul kin ke moul lal. (1 Korint 11:1; 1 Piter 2:21) Kain in misla su orekmakinyuk on inmasrlon met Kristian paye su tuku ke kain in tun, mwal, a mutun fwal puspis arulanu paye meyen tuku ke misla paye in masrlolos nu sin God, ke sripen lalalfongi ke mise lun Jisus Kraist. Misla lalos el sie me sang lun God, tia oanu kutena me sang su tuku sin met u. (Rom 15:33; Efesus 6:23, 24) Sikyuk lun ma inge tuku ke akos lalos sifwanu nu sin “Fwisrak lun Misla,” Jisus Kraist, a wikin alu lalos nu sin Jeova, su “God lun lungse a lun misla.”—Isaia 9:6; 2 Korint 13:11.
4. Fuka sie met Kristian el “suk” misla?
4 Misla el tia srinenak sin met sesumwos. Ou inge, Piter el akkalemye la kais sie met Kristian enenu in “suk misla a orekmakin.” (1 Piter 3:11) Fuka kut in ku in oru ou inge? Oasr sie kas in palu in pal meet a akkalemye me top nu ka. Oanu Jeova el kaskas nu sel Isaia, a fwak: “A tulik nutom nu kemwa fwa lutiyuk sin Jeova; a misla lun tulik nutom fwa yok.” (Isaia 54:13; Filippai 4:9) Aok, misla paye tuku nu selos nu kemwa su akos me luti lun Jeova. Yok liki nu kemwa, misla, wi “lungse, engun, . . . mongfwusesr, kulang, mwolanu, lalalfongi, inse pusisel, muteng,” el fwako lun ngun mutal lun God. (Galetia 5:22, 23) Misla el tia ku in engankinyuk yurin met su wangin lungse, wangin insemwomwo, wangin muteng, tia kulang, moul fokfok, tia lalalfongi, sangengtot, ku wangin mongfusesr yuru.
“Ku In Muteng Yurin Met Nu Kemwa”
5, 6. (a) Mea ma tia oanu sie in masrlon misla a ku in muteng in Baibel? (b) Nu sin su met Kristian elos enenu in muteng nu se?
5 Misla el aketeyuki oanu “ke fos el wanginla. Kalme nu ke luma ou inge ku in sikyak fwin wangin la alein lun ma nu kemwa. Efu ku ne ke met mise elos misla! Ke ma inge, in eis misla paye, kais sie enenu in oasr na paye fwako lun misla yurul. In luti lal fwin eola, Jesus el fwak: “Insemwomwo elos su akiumwe metu: tu pangpang elos tulig nutin God.’ ” (Mattu 5:9) Jesus el sramsram ke kais sie met su in pal fwasru ku in eis pal mwo in ekla mwen nutin God in ngun a eis moul nasnas in kosrao. (Jon 1:12; Rom 8:14-17) A tok, met lalalfongi nu kemwa su wangin fwinsrak lalos inkusrao fwa eis me insemwomwo su “fwa taltalla liki sruo lun ma kulamwi nu ke sukosok lun mwolanu lun tulik nutin God.” (Rom 8:21) Met su lungse misla mukena pa ku in eis kain in fwinsrak ou inge. Ke kas Greek nu ke “Ku lun Misla” kalmekinyuk oanu “elos su moul kinmisla.” Pal nu kemwa oasr luma su tia oana sie inmasrlon misla-misla ka-a ku in misla. Ku in misla in Baibel kalmekin nu ke orekmakin yen misla, su kutu pal misla el eneneyuk nu in an su meet wangin orekmakinye.
6 Fwin oasr nunak ou inge, e fwal kas in kai lal met sap Paul nu sin met Rom: “Komwos fwin ku, oanu on yurumwos, komwos misla yurin met nu kemwa.” (Rom 12:18) Paul el tia sapkin mukena nu sin met Rom in orek misla yen su wangin misla we, tu in ku in kasru. El akkeyelos in orekmakin misla. Nu sin su? Nu sin “met nu kemwa”—kais sie met in sou, met Kristian, a oayepa nu selos su tia welulos in lalalfongi. El sapkin met Rom elos in orekmakin misla nu selos nu kemwa ‘elos fwin ku oanu on yurolos.’ Mo, el tia lungse elos in lafwekin lalalfongi lalos ke sripen akmwuk lun misla. Tusruktu mwo in taran oiye su tia eneneyuk in sang aktoasrye kutu met, a elos in som nu yurulos ke me kasru su orala misla. Met Kristian elos enenu in oru ou inge oanu sie nu sin met in congregation ku met saye congregation. (Galetia 6:10) In fwal nu ke ma inge, Paul el simla: “A fwasr tukin ma mwo pal e nu kemwa nu sin sie sin, a nu sin met e nu kemwa.”—1 Tessalonika 5:15.
7, 8. Fuka a efu ku met Kristian elos enenu in muteng nu sin met su tia wi ke lalalfongi lalos?
7 Kut e fwa orekmakin fuka ku in misla nu selos su tia wi kut in lalalfongi a nu selos su lain kut? Nu ke sie inkanek fwal, lela kut in tia orekmakin nunak in inse fulat. Ke me pupulyuk, e fwa wangin misla fwin sramsramkin yuk kutena ma koluk ke kutu met. Jeova el akkalemye nununku lal in lain kutena u a akmwuk, tusruktu nu sesr wangin sumwos lasr in sramsramkin kutena met oanu elos nununkeyuk tari. Paye, la tia fwal kut in nununku kutena met, fwinne elos su lain kut. Tukin sapkin Taitus el an sang kai nu sin met Kristian fwin an Crete ke oiyen orekma lalos in masrlon sie sin sie nu sin met fulat, Paul el akesmakinyelos tu “elos in tia kaskas koluk ke kutena met, in tia met akukuin, in okak, in fwakak fwokpap nu kemwa nu sin met nu kemwa.”—Taitus 3:1, 2.
8 In sang misla nu selos su tia wi kut in lalalfongi yok kalmeye tu orekma lun ma paye fwa ku in kasrelos. Ke ma inge, kut tia orek kamwuk nu selos su fwa “akkolukye oiya mwo” lasr. (1 Korint 15:33) Tusruktu, kut srakna ku in oru mwo nu selos, a kasrelos ke me enenu a kulang. Piter el simusla: “A in fwal orekma lomwos in masrlon met Pegan: tu, in ma elos kaskas lain komwos ka oana met orek koluk, tu ke orekma mwo lomwos su elos liye, elos kaksakin God in len El tuku nu yurin metu.”—1 Piter 2:12.
Ku in Misla in Pal in Forfor
9, 10. Piye me srikasrak lun misla nu selos su tia lalalfongi met sap Poul el oakiye?
9 Met Kristian in century se meet elos arulanu eteyuk ke moniyuk lalos. Elos tia akkolukye me luti lalos, a ke pal elos sun ma upa, elos sulela in akos God oanu met kol lalos liki na in metu. (Orekma 4:29; 5:29) Ke ma inge, elos tia oru moniyuk in orekma lalos nu ke orekma su tia mwo. Tuni oiyel Poul ke pal se el aketeye oiyen lalalfongi lal ye mutal Togusra Herod Agrippa II. Herod Agrippa el orala sie orekma kupatol yurin tamtael se lal, pangpang Bernice. Tusruktu, Poul el tia liksreni in akkalemye orekma kupatol inge nu sel Agrippa. Ou inge, el sramsramkin na luma yok su elos insese la ka tari meet, wi kaksak lal nu sel Agrippa ke oiyen etauk yok lal ke fasin lun met Ju a ke lalalfongi lal nu sin met palu puspis.—Orekma 26:2, 3, 27.
10 Ya Poul el aklukuk ye mokul fulat se inge tu el an sang sukosok nu sel? Mo, meyen Poul el orekmakin na akmwuk lal sifwanu a fwakak ma paye. Wangin kutena ma su el fwakak nu sel Herod Agrippa tia paye. (Efesus 4:15) Tusruktu Poul el sie su lungse orekmakin misla a etu in oru mwo “ma nu kemwa nu sin met nu kemwa.” (1 Korint 9:22) Yokiyen orekma lal pa in akpayeye luti lal kel Jisus. In oanu sie met luti mwo, el ikasla sramsram lal ke sie oiye su mwo nu sel Agrippa a in mwo nu seltal in insese la ka. Ke ma inge Poul el sang kasru na mwomwo nu sin togosra koluk se inge in ku in akilen orekma lun Kristianity in akmisye ke inkanek fwusesr mwo.—Orekma 26:28-31.
11. Fuka kut ku in orekmakin misla ke orekma in forfor lasr?
11 E fuka nu sesr in ku in orek misla ke pal kut oru orekma in forfor lasr? In oanu Poul, kut enenu in tia orekmakin kas in akukuin. Ou inge, ke kutu pal kut enenu in “pulaikna in kaskas ke kas lun God tia sangeng,” kaifweang in sruokya ku lalalfongi lasr. (Filippai 1:14) Tusruktu ma yok ke orekma lasr pa in luti ke peng mwo. (Mattu 24:14) Fwin sie met el ku in liye ma paye ke akmwuk lun God, na el ku pa in forla liki luti kikiap lun alu a suk in aknasnasyella liki orekma fokfok nu kemwa lalos. Ke ma inge, fwin fwal, sramsramkin me sramsram mwo su ku in purakak insien met su long me luti lasr, ikasla ke me sramsram fwusesr kalem nu selos. Tia mwo in aktoasr sie met su, fwin oasr pal mwo in sramsram nu se, saap el engun in long me luti lasr.—2 Korint 6:3.
Orek Misla in Sou
12. Ke inkanek fuka kut ku in orekmakin misla in sou lasr?
12 Poul el fwak nu selos su payuk la elos “fwa keok in ikwe.” (1 Korint 7:28) Efwa oasr kutena me keok sikyuk nu selos. Sayen ma inge, kutu sianyen fwa pulakin fos akukuin kutupal. Fuka ma inge ku in kasreyuk? Ma inge ku in orek ke inkanek lun misla. Sie met su lungse misla el fwa kaifweung in tulokinye sie fos upa in tia sikyak. Fuka? Ma se meet, enenu in karunganang loa. Ke pal orekmakinyuk nu ke sramsram sufwal a kas in akkoluk, kitin ip na srisrik ke mano inge “el sie ma koluklanu su tia okaki a tingtingi na ke me mise.” (Jemes 3:8) Ku in muteng el oru sie met in orekmakin loa in me musaiyuk a tia in me kunausla.—Soakas 12:18.
13, 14. Fuka kut ku in moulkin misla fwin kut tafongla ke sramsram lasr ku ke pal se nunak lasr arulanu toasr?
13 Ke sripen sesumwos, paenang oasr kutu pal kut ku in fwak kutu ma su tok kut auli ka. Fwin oasr pal sikyak ou inge, silaklak in sokak naweye—in ku in oasr misla. (Soakas 19:11; Kolosse 3:13) Suk in wangin ma kutongye in tia orala “akukuin lun kas” a “alein.” (1 Timote 6:4, 5) Fwin tia ou inge, loang akmwoye nu ke sripa an a srike in koneak nunak lun el se ngia. Fwin oasr kas upa sun kom, srike in topuk ke kas kulang. Esam la “sie topuk fwusesr furokla mulat.”—Soakas 15:1.
14 Kutu pal, kom enenu in esam kas in kai in Soakas 17:14: “Ke ma inge filiye akukuin meet liki oasr anwuk.” Fwasr liki akukuin tu in tia paenang mulat. Tok, fwin nunak lom oula, saap kom fwa ku in aksumwosyela ma upa san. Kutu pal, mwo in eis kas in kasru sin met kol matu lun met Kristian in kasru. Kain in nunak a pulakin lun met ou inge ku in sang kasru mwomwo ke pal oasr fus ou inge sikyak.—Isaia 32:1, 2.
Me akmisye in Congregation
15. In fwal nu ke kas lal Jemes, kain in nunak koluk fuka oasr in masrlon kutu met Kristian, a efu ku nunak inge ma lun “fwalu,” “lungse koluk,” a “oanu devil”?
15 Me pakomuta, la ke century se meet oasr met Kristian su akkalemye nunak in lemta a nunak in akkoluk—su me lain nu ke inkanek lun misla. Jemes el fwak: “Lalmetmet se inge tia tuku lung me, a ma lun fwalu, ou lungse koluk, a oana devil. Tu yen me sok koluk a akukuin on we, purakak a ma koluk nu kemwa on pa we.” (Jemes 3:14-16) Kutu met elos lalalfongi mu in kas Grik lungasyukla kas se inge “sok” in kalmekin nu ke suk ma lal sifwanu a in mwo nu sel sifwanu ke inkanek lun mwal fulat. Arulanu fwal nu ke kas lal Jemes su el akkalemye nu ke “ma lun fwalu, ou lungse koluk, a oanu devil.” Ke sramsram matu lun fwalu, met kol lun fwalu elos orekmakin yok sok, in oanu kosro lemnak su lungse in anwuk nu sin sie sin sie. Sok el orekmakinyuk fwal nu ke “ma lun fwalu a oanu kosro lemnak.” Oanu pa “devil.” Oiye koluk inge akkalemyeyuk meet ke ku-yok su sie lipufon el rapkui nu sel sifwanu paenang el ekla lain Jeova God a pangpang Setan, su met kol lun ngun fokfok nu kmewa.
16. Fuka kutu sin met Kristian in century se meet elos akkalemye sie ngun koluk su oanu Setan?
16 Jemes el akesmakinye met Kristian nu kemwa in taran in tia orekmakin ngun lun sok, meyen fwako lun sok me lain nu ke misla. El simusla: “Meun a anwuk yurumwos, tuku ya me? ya tia tuku ke lungse koluk lomwos, su meuni in laamwos?” (Jemes 4:1) Ke ma inge, “lungse koluk lun me akengan” ku in lumeyuk nu ke rapkui ma lun fwalu ku lungse in pengpeng, fulat, ku in kasrup. In oanu Setan, oasr kutu met in congregation elos lungse in eteyuk la oasr mwal fulat lalos liki ‘kutu met su srik mwal la,’ oanu ke Jisus el fwak nu sin met su lungse paye in fwasr tokol. (Luk 9:48) Kain in nunak ou inge ku in kunausla misla lun congregation.
17. Fuka met Kristian misenge elos ku in akkalemye misla in congregation?
17 Misenge, kut enenu in lain kain in nunak in rapku nu ke ma lun fwalu, lemta wi sok, ku fulat pengpeng. Fwin kut moulkin misla paye, kut tia ku in fosrnga fwin kutena met in congregation elos etu yok liki kut ke kutu oiye, ku ya fwal kut in oru kutu me akkoluk nu selos ke inkanek lun kusensiyuk in akkoluk ye nunak lalos. Fwin oasr yurusr nunak mwomwo, kut tia ku in oru kutena luma in akkalemye mu kut mwo liki kutu met, in nunku pa mu pa oru congregation se ku in kapkapak ke sripen etu a pa in nunak lasr. Kain in nunak inge ku in paenang in oasr srisri; efwa wangin pe misla. Inse misla el tia konkun etauk lal, a el orekmakin in sang kasru met lili wiyel a in sang akfulatye Jeova. Elos eis etauk ka la ke saflaiye, lungse pa eneneyuk—tia ke etauk—pa in sang akkalemye sie met Kristian paye.—Jon 13:35; 1 Korint 13:1-3.
“Misla oana Met Roso Lom”
18. Fuka met elder elos orekmakin misla in masrlolos?
18 Met elder nu kemwa lun Congregation pa enenu in orekmakin misla tu met nu kemwa in ku in orekmakin. Jeova el fwakak ke met lal: “Nga fwa oru pa met roso lom misla, a leum lom sumwosmwos.” (Isaia 60:17) In fwal nu ke kas palu, elos nu kemwa su eis kunokon lun met kol nu sin met Kristian enenu in orekmakin yok misla nu in masrlolos sifwanu a nu sin met nu kemwa. Met elder nu kemwa ku in orekmakin misla in masrlolos sifwanu elos fwin moulkin misla a in sumwos pa nu ke “lalmetmet lung me.” (Jemes 3:17) Meyen oasr suna yurulos ke etauk a ke kain in oiye puspis su elos pulakin tari meet ke moul, paenang oasr kutu pal elder elos oru orekma lalos tia oanu sie nu ke luma su sikyak nu in congregation. Ya ma inge kalme kin la wangin misla lalos? Tia ou inge fwin oasr luma sikyak a karunginye orekla ke inkanek sumwos. Met su moulkin misla fwin akkalemye nunak lalos na elos enenu pa in loang akmwoye nu ke ma met saye elos fwak. Srike in tia nunku ke ma lungse lal sifwanu, meyen sie met su moulkin moul misla el kaifweung in pre siyuk tu in oasr misla a nunku ke ma met lili wiyel nunku. Fwin wangin kutena akmwuk lun Baibel kunanela, na e fwusrasr luma san in orekmakin yuk. Fwin oasr kutu met tia insese nu sel, na lela el su oasr nunak lun misla in el in fwa eis pal lal a in eis kasru su tuku ke sulela lun met su pus in masrlolos. Ou inge el fwa ku in akkalemyel sifwana oanu sie met sumwos. (1 Timote 3:2, 3) Met kol su oasr etu yok yuru el ku in akilen la fwin oasr misla orekmakin yuk e arulanu mwo liki na in orekmakin sumwos lun kutena met.
19. Fuka met elder elos ku in oakiye misla nu in congregation?
19 Met elder nu kemwa enenu in suk misla lun met in u lal ke inkanek in kasru nu selos a in tia akkolukye orekma in kaifweung lalos. Ou inge, ke kutu pal oasr kutu selos enenu in aksumwosyeyuk. (Galetia 6:1) Tusruktu orekma lun met kol lun met Kristian tia enenu in orekmakin na kas in kai. A el enenu pa in sang kas in kaksak. Met elder mwomwo nu kemwa elos liye ma mwomwo nu kemwa su kutu met elos oru. Met kol nu kemwa elos enenu in kaksakin moniyuk lun met Kristian wiyelos, a elos lalalfongi la met Kristian wiyelos in lalalfongi elos sang kuiyelos in oru ma kunelos.—2 Korint 2:3, 4.
20. Ke inkanek fuka congregation eis ma lane fwin met nu kemwa orekmakin misla?
20 Ke ma inge, in sou, in Congregation, a in kutena orekma su orek nu sin kutena met su tia wi kut in lalalfongi, lela kut in kaifweung in mongfusrasr nu selos, tu fwako lun misla fwa ku oakiyuki. Kut fwin kaifweung in moulkin misla, na kut fwa ku in orala in oasr engun insemwomwo nu in congregation. In pal senpanu, kut fwa ku in loangeyukla a eis kasru mwomwo ke inkanek puspis, su kut fwa ku in liye ke me lutlut se toku.
Ya Kom Esam?
• Mea kalmen muteng in misla?
• Fuka kut ku in muteng in misla nu sin met su tia-Met-Lo?
• Piye kutu inkanek su ku in orala misla nu in sou?
• Fuka met elder elos ku in oakiye misla nu in congregation?
[Pictures on page 8]
Met Kristian nu kemwa elos orekmakin misla ke forfor, nu in loom, a in congregation