MWE LUTLUT AHK 8

Mwe Puhpuhlyuck Wo in Luti

Cited scripture kuh ma suhmuhslah ma ahkkahlwemyeyuck

Matthew 13:34, 35

MA KOM KUH IN ORUH: Ahkwoye mwe luti lom an ke kom orekmakihn mwe puhpuhlyuck fihsracsr ma sun insiacn mwet suc lohng kom an, ac luti mwe lutlut yohk srihpac kac an.

OREK FUHKAH:

Sulaclah kahs in puhpuhlyuck ma fihsracsr. In oacna ke Jesus el oruh, orekmakihn ma ma mwet uh elos etuh kac ma elos kwacna liye ke moul lalos ke lwen nuhkewa in sang ahkuhtweyac ke mwe luti pwacye ma yohk srihpac. Nikmet laheslah kuhtwena ma tiac enenweyuck ma ac ahkfohsyeack mwe puhpuhlyuck se ma kom sramsramkihn an. Oruh tuh ip nuhkewa ke mwe puhpuhlyuck lom an fal nuhke mwe lutlut se ma kom luti an, tuh mwet suc lohng kom an in tiac fohsack.

Lohacng ahkwoyac. Lohacng nuhke ma ma oan raunikomlac uh, lutlut ke mwe rit ma tuhkuh ke Bible, ac lohacng ahkwoyac nuh sin sie mwet luti suc pah. Ke kom oruh ohinge, esam mwe puhpuhlyuck ma kom kuh in orekmakihn in sang ahkwoye mwe luti lom an. Sefiyac ma inge ke computer nuhtum an, kuh suhmuhslah ke sie notebook an.
Nuhnkuh ke ma ac wo nuh sin mwet suc lohng kom an. Sulaclah mwe puhpuhlyuck ke ma ma mwet suc lohng kom an elos etuh kac ac ke ma eltahl kwacna oruh. Taran mwe puhpuhlyuck lom an in tiac ahktonongyacltahl kuh ahktoasryacltahl.
Luti mwe lutlut yohk srihpac. Lohacng ahkwoyac nuh kac lah mwe puhpuhlyuck ma kom orekmakihn an tuhngalyac mwe lutlut yohk kac an, ac tiac ke ma pucspucs sahyac ma tiac arlac yohk srihpac. Ahkpwacyeye lah mwet suc lohng kom an elos ac esam tiac ke mwe puhpuhlyuck sacn muhkwena, a oacyacpac ke ma elos lotwelah ke mwe puhpuhlyuck sacn.