MOUL LUHN MWET CHRISTIAN

Yac Kom Ahkolah ke Pacl Oasr Ma Upac ke Oakwuck ke Mani?

Kuht ac fah tiac lut ke ma sikyak fin facluh uh ac oraclah mwe kweok upac facluh nohfohn. Efuh? Mweyen kuht moul ke sahflahiyen lwen sahflah, ac Bible uh sensenkackihn kuht in tiac fihliyac finsrak lasr ke “mwe kasrup ma sukawil.” (1Tim. 6:17; 2Tim. 3:1) Meac mwe srihkasrak lal Tohkohsrah Jehoshaphat luti nuh sesr ke ahkolah ke pacl oasr ma upac?

Ke pacl se mwet lokoalok lalos ahksahngwengyelos, Jehoshaphat el luhlahlfongi in Jeova. (2Chr. 20:9-12) El ahkolah pac ke eltahl kuhlasak siti pucspucs in acn Judah ac muhsahi acn luhn mwet mweun. (2Chr. 17:1, 2, 12, 13) Oacna Jehoshaphat, kuht enenuh pac in fihliyac luhlahlfongi lasr in Jeova ac ahkolah meet liki pacl in ma upac tuhkuh.

MEAC KUHT KUH IN ORUH IN AHKOLAH KE PACL OASR MA UPAC KE OAKWUCK KE MANI?

Ahkkweye fototo lom nuh sin Jeova: Lutlut in ahkfalye ma oasr yurum, ac ahkkweye luhlahlfongi lom ke kuh luhn Jeova in sang mwe enenuh lom lwen nuhkewa. (Mt. 6:26; 1Tim. 6:8) Kom in tu kuh in tiac tui in ahkos oakwuck wowo luhn Bible in ahkfalye mwe enenuh inge. (Rom. 2:21) Nuhnkuh lah kom ac tahfwelah fuhkah in riti Bible ac mwe rit ma tuhkuh in Bible ke pacl ma wacngihn sahrom kuh Internet. Sruokyac kuhtuh mwe rit ma printiyucki, ac fin kuh downloadiyac electronic publication meet liki pacl in ma upac.

Ahkolah mwe mongo ac ma enenweyuck sahyac: Ahksrihkyelah misac lom ac tiac sislah mani nuhke ma tiac enenweyuck meet liki pacl in ma upac sikyak. (Soa. 22:7) Fin kuh, moli kuhtuh mwe mongo ac kuhtuh pac ma enenweyuck sahyac. Kuhtuh elos kuh in yukwi ac oraclah sie imac in fukunsahk in sefiyac mani.

LIYE VIDEO SE INGE ARE YOU PREPARED FOR A DISASTER? AC TOHKOHYANG TOHPOHKLAH KIHSEN SIYUCK INGE:

Sie mwe luhmahlah ke video se inge “Are You Prepared for a Disaster?” Ahkkahlwemyeyuck Bible se, sie go bag ac smartphone se, ac mwet orekma ke muhsah.

Meac kuht kuh in sifacna oruh ke pacl ma oasr sie ongaiyac?

Your answer

Sie mwe luhmahlah ke video se inge “Are You Prepared for a Disaster?” Mwet lili uh kahsruh nuhke orekma in muhsah ke relief work ac eislah kuhfwen orekma liki truck soko ah.

Kuht kuh in ahkolah fuhkah in kahsruh mwet sahyac?

Your answer