Orekmakihn Enjoy Life Forever! in Ahkkweye Luhlahlfongi nuh sin Jeova ac Jesus

In ahkinsewowoye God, mwet lutlut Bible elos enenuh in ahkkweye luhlahlfongi lalos. (Heb. 11:6) Kuht kuh in kahsrelos in oruh ma inge ke kuht orekmakihn puk se inge Enjoy Life Forever! Puk se inge ahkkahlwemye ma suhmuhslah yohk srihpac, mwe ahkuhtweyac kahlwem, kihsen siyuck na wowo, video ma ac mokle insiacn mwet, ac petsac ma arlac kahto. Ke kuht kahsruh mwet lutlut Bible in ahkkweye ohiyac wowo ac fototo wo nuh sin God, kuht orekmakihn kuhfa in muhsah ma tiac kuh in fihrihryak.—1Cor. 3:12-15.

Kuhtuh mwet uh upac in luhlahlfongi muh elos kawuck luhn God, suc elos tiac kuh in liye. Pasis, kuht enenuh in kahsrelos in etwacl Jeova ac in luhlahlfongi nuh sel.

LIYE VIDEO SE INGE BUILD FAITH IN JEHOVAH, USING “ENJOY LIFE FOREVER!” AC TOHKOHYANG TOHPOHKLAH KIHSEN SIYUCK EKAHSR INGE:

• Kuht etuh fuhkah lah sister sac el ahkolah na pwacye nuhke lutlut?

• El orekmakihn fuhkah kuhtuh pac kihsen siyuck in kahsruh mwet lutlut sac in ahkkahlwemye ma oasr ke nuhnak lal ac puhlakihn lal ke Isaiah 41:10, 13?

• Meac video sac ac fuhs in Bible oruh nuh sin mwet lutlut?

Mwet pucspucs tiac kahlwem ke mwe molwelah, kuh elos tiac nuhnkuh kac oacna mwe sang luhn God nuh selos. (Gal. 2:20) Ke ma inge, kuht enenuh in kahsrelos in ahkkweye luhlahlfongi lalos nuhke mwe kihsac luhn lango lal Jesus.

LIYE VIDEO SE INGE BUILD FAITH IN JESUS, USING “ENJOY LIFE FOREVER!” AC TOHKOHYANG TOHPOHKLAH KIHSEN SIYUCK EKAHSR INGE:

• Kuht etuh fuhkah lah mukul lili sac el ahkolah na pwacye nuhke lutlut?

• El ahkfalye fuhkah mwe lutlut ma oasr ke ip se inge “Liye Pac Ma Inge” in kahsruh mwet lutlut se?

• Efuh kuh yohk srihpac in puhruhe ke mwet lutlut?