Kahsruh Mwet Lutlut Bible in Fahsr Liki Asrouki Kuluk

In eklac mwet kawuck luhn God, mwet lutlut Bible uh enenuh in sulaclah asrouki wo. (Psa. 15:1, 4) Asrouki wo fah ahkkweyelos in oruh ma suwohs.​—Soa. 13:20; lff-E lesson 48.

Ke kom kahsruh mwet lutlut Bible lom in fahsr liki asrouki kuluk, kom in nuhnkuh ke puhlakihn lalos. Sahp, upac nuh selos in tui ke asrouki nuh sin mwet kawuck lalos suc tiac kuhlwacnsap nuh sin God. Ke ma inge, ahkkahlwemye pac lah kom luhngse ac nuhnkuh kaclos finne ke lwen kom tiac lutlut nuh selos. Kom kuh in suhpwaclah sie text message an, pahng ke telephone, kuh muhtwacta nuh yohrohlos. Ke mwet lutlut lom kapkapack, kom kuh in suhlwaclos in wi kom asrouki nuh yurin mwet luhn God. Na elos kuh in liye lah elos eis ma yohk liki ma tuhlac luhkelos uh. (Mk. 10:29, 30) Kom ac fah engan pac in liye lah u luhn Jeova uh yohkwelihk.

LIYE MWE LUHMAHLAH KE VIDEO SE INGE HELP YOUR BIBLE STUDENTS TO AVOID BAD ASSOCIATIONS, AC TOHKOHYANG TOHPOHKLAH KIHSEN SIYUCK EKAHSR INGE:

• Meac kalmen asrouki kuluk?​—1Cor. 15:33

• Jade el luhmahlah fuhkah ke nuhnak lal lah meac orek ke tuhkweni luhn mwet Christian?

• Neeta el kahsrel Jade fuhkah in aholah asrouki kuluk?