AHKOLAH IN WO NUKKE OREKMA IN LUTI UH | AHKYOHKYE ENGAN LOM NUHKE OREKMA IN LUTI UH
Kahsruh Mwet Lutlut Bible in Wi nuhke Miting
Miting luhn congregation uh pa sie sin ip yohk srihpac ke alu pwacye. (Psa. 22:22) Mwet nuhkewa suc tuhkweni nuh sie in alu nuh sin Jeova konwacack engan ac mwe insewowo. (Psa. 65:4) Inkaiyen pacl uh, mwet lutlut Bible uh sa na in kapkapwack ke elos wi miting pacl nuhkewa.
Kom ac kahsruh fuhkah mwet lutlut Bible lom in wi nuhke miting uh? Solwacltahl pacl nuhkewa in wi nuh kac. Ahkkahlwemye nuh selos video se inge Meac Orek ke Lohm in Toeni uh? Ahkuhtweyac ma wo ma tuhkuh ke miting. (lff-E mwe lutlut 10) Kom kuh in sruhmuhn sie mwe lutlut ma kom lotwelah ke miting uh, kuh fahk nuh selos ke ma ac fah sramsramkihnyuck ke miting toko an. Sang nuh sin mwet lutlut lom an mwe rit ma ac fah orekmakihnyuck nuh kac. Oacyacpac, sang kahsruh. Sahp, elos enenuh mwe wiwac tuh elos kuh in wi nuhke miting. Kuhtwena kwacfeacng ma kom oraclah ac fah arlacna wo ke pacl se ma mwet lutlut lom el wi nuhke miting yohkna ke pacl se meet.—1Cor. 14:24, 25.
LIYE MWE LUHMAHLAH KE VIDEO SE INGE HELP YOUR BIBLE STUDENTS TO ATTEND MEETINGS, AC TOHKOHYANG TOHPOHKLAH KIHSEN SIYUCK EKAHSR INGE:
Ma fuhkah Neeta el orekmakihn in solwacl Jade nuhke miting luhn congregation?
Efuh kuh kuht engan ke pacl se sie mwet lutlut Bible el wi nuhke miting?
“Pwacyena lah God El oasr yuruwos”
Meac sikyak ke pacl se Jade el wi nuhke miting se emeet lal ah?