‘Pacl Nuhkewa Kowos In Nuhnkuh Ke Ma Inge’

Ma fuhkah? Philippi 4:8 fahk muh kuht in nuhnkuh ke ma suc wo ac fal in kaksakihnyuck, ma suc pwacye, ma suc yohk srihpac, ma suc suwohs, ma suc nwacsnwacs, ma suc ohi, ac ma suc pwengpweng wo. Ahok, tiac kalmen ma inge pa sie mwet Christian el nuhnkuh muhkwena ke Bible pacl nuhkewa. Tuhsruhktuh, ma ma kuht sulaclah in nuhnkuh kac uh enenuh in ahkinsewowoye Jeova. Kuht enenuh in tiac nuhnkuh ke ma ma ac oruh in upac nuh sesr in sruokyac na oaru lasr nuh sel uh.​—Psa. 19:14.

Pwacye lah, ac upac nuh sesr in fahsr liki nuhnak ma tiac wo. Kuht enenuh in lain ohiyac sesuwohs lasr sifacna, oacyacpac mwe ahkkuluk lal Satan, “god kuluk luhn facl se inge.” (2Cor. 4:4) Ke srihpen Satan pa kol facluh, pwacnacng inkaiyen ma ahkkahlwemyeyuck ke television, ke ratio, ke Internet, newspaper, mackuhsin ac puk uh tiac wo. Kuht fin tiac sulaclah ke ma ac oan in nuhnak lasr uh, ma inge ac kuh in ahkkulukye nuhnak lasr uh, ac tok ac ahkkulukye pac ohiyacsr.​—Jas. 1:14, 15.

LIYE VIDEO SE INGE AVOID WHAT ERODES LOYALTY​—IMPROPER ENTERTAINMENT, NA TOHKOHYANG, TOHPOHKLAH KIHSEN SIYUCK EKAHSR TEN INGE:

• Meac mukul lili se inge liye ke phone se nahtuhl inge, ac meac ma inge oruh nuh sel?

• Galatia 6:​7, 8 ac Psalm 119:37 kahsrel fuhkah?