Mwet Fuhsr​—Kowos in “Moniyuck Nuhke Orekma Wo”

Ke lwacta lal mwet sap Paul nuh sel Titus, el suhmuhslah lah mukul fuhsr uh, weluhlacng Titus, elos enenuh in kwacfeacng na pwacye in eklac “mwe srihkasrak in ma nuhkewa.” (Tit. 2:6, 7) Tok kuhtuh ke sapta se pacna inge, el ahkkahlwemye lah Jesus el ac fah ahknwacsnwacsyelah mwet luhn Jeova uh tuh elos in kuh in “moniyuck nuhke orekma wo.” (Tit. 2:14, BMK) Sie sin orekma wo inge pa in fahkwack ac luti ke Tohkohsrahi luhn God. Kom fin sie mwet fuhsr, yac kom kuh in orekmakihn kuhiyom in kuhlwacnsap oacna sie auxiliary kuh sie regular pioneer?—Soa. 20:29.

Kom fin ac luhngse in kuhlwacnsap oacna sie pioneer, oakiyac sie oakwuck na wo ke moul lom an kom in muh kuh in eklac oacna sie pioneer. (Lk. 14:28-30) Ke sie mwe puhpuhlyuck, kom ac ahkfalye fuhkah mwe enenuh ke moul lom ke kom oruh orekma in luti pacl nuhkewa? Kom ac oruh fuhkah in oraclah ao ma enenweyuck nuhke pioneer lom an? Siyuck sin Jeova elan kahsre kom. (Psa. 37:5) Sramsramkihn oakwuck lom an nuh sin pahpah ac ninac kiyom an ac mwet suc ahkfahsryelah wo orekma in pioneer lalos an. Na, oraclah oakwuck in sun mwe finsrak lom an. Jeova el ac fah ahkinsewowoye na pwacye moniyuck in kuhlwacnsap lom nuh sel uh!

LIYE VIDEO SE INGE YOUTHS HONORING JEHOVAH, AC TOHKOHYANG TOHPOHKLAH KIHSEN SIYUCK EKAHSR TEN INGE:

• Meac kuhtuh ma upac ma kuhtuh mwet uh elos kuhtanglah tuh elos in kuhlwacnsap oacna sie pioneer, ac elos oruh fuhkah ma inge?

• Pahpah ac ninac uh kuh in kahsruh fuhkah tuhlihk nahtuhlos uh in eklac oacna regular pioneer?

• Efuh yohk srihpac in oasr sie oakwuck nuhke orekma in fahkwack uh?

• Mwet lili ke congregation uh ahkkweye ac kahsruh fuhkah sie pioneer?

• Mwe insewowo fuhkah ma oasr yurin mwet suc kuhlwacnsap oacna pioneer uh?