Ahkwoye Inkacnek in Luti Lasr uh​—Tui ke Lutlut Bible yurin Mwet suc Tiac Orekmakihn ma Eltahl Lotwelah uh

EFUH YOHK SRIHPAC: Mwet uh enenuh in pahng nuhke inen Jeova tuh elos in moliyucklac. (Rom. 10:13, 14) Tuhsruhktuh, tiac mwet nuhkewa suc luhngse in lutlut Bible uh luhngse in moulkihn moul fal nuhke oakwuck fuhlwact luhn Jeova. Kuht orekmakihn wo pacl sacohk lasr uh nuhke orekma in luti uh ke kuht kahsruh mwet nuhkewa suc luhngse na pwacye in ekuhllah moul lalos in ahkinsewowoye Jeova. Sie mwet lutlut Bible el fin tiac na kapkapwack tukun lusen pacl se, sie inkacnek lahlmwetmwet pa in tui ke lutlut Bible nuh sel, ac orekmakihn pacl lasr nuh sin mwet sahyac suc Jeova el amackihn nuh yohrohl ac nuhke u lal uh. (Jn. 6:44) Ne ohinge, mwet se inge el fin oruh tok mwe ahksuwohs ke moul lal ac ahkkahlwemye lah ‘pwacye insiacl nuhke moul ma pahtpaht,’ kuht engan in sifwilpac tahfwelah in lutlut Bible nuh sel.—Orek. 13:48, NW.

OREK FUHKAH:

• Kaksakihn mwet lutlut sacn ke kena lal in eis etwacack suwohs.​—1 Tim. 2:4

• Ahkkahlwemye in kahlwem nuh sel lah yohk srihpac in orekmakihn ma el lotwelah uh.​—Lk. 6:46-49

• Sramsramkihn ke inkacnek wo mwe puhpuhlyuck lal Jesus ke mwet tahknelihk se, ac siyuck sel in nuhnkuh lah meac pwacnacng el tiacna orekmakihn ma el lotwelah uh.​—Mt. 13:18-23

• Ahkuhtweyac ke inkacnek kuhlwacng lah efuh kom tui in lutlut Bible nuh sel

• Kom ahkkahlwemye nuh sel lah kom ac muhtwacta nuh yohrohl ke kais kuhtuh pacl in ahkkweyacl, ac lutlut lal uh kuh in sifwilpac tuhtahflah ke pacl fahsruh uh el fin orekmakihn ma el lotwelah ke moul lal uh

LIYE VIDEO SE INGE, AC TOHKOHYANG TOHPOHKLAH KIHSEN SIYUCK EKAHSR TEN INGE:

• Meac kom lotwelah ke mwe sramsram se ma ahkkahlwemye lah mwet lutlut se ingacn tiacna orekmakihn ke ma el lotwelah uh?

• Mukul lili se inge el kahsruh fuhkah mwet lutlut sacn in kahlwem lah el enenuh in orekmakihn ma el lotwelah ke moul lal uh?

• Mwet lili se inge el ahkkahlwemye fuhkah nuh sin mwet lutlut sacn lah el engan in sifwil tahfwelah in lutlut Bible nuh sel ke pacl se ma el ahkolah na pwacye?