Ahkpahyacltahl In Tahfwelah na In Kuhlwacnsuhpuh Jeova

In fal nuhke experience, mwet lili sasuc suc ahkpahyeyuck ke muhtwacwacackiyac ah in moniyuck ac wi ke orekma in luti uh pacl nuhkewa, kwacna eklac sie mwet luti wo. (Soa. 22:6; Php. 3:16) Pa inge kuhtuh kahs in kahsruh lah fuhkah kom kuh in kahsruh sie mwet lutlut in oakiyac pwelucng wo nuhke orekma in luti uh:

• Tukun na mwet lutlut se lom ingacn lweyucklac in eklac sie publisher, muhtwacwacack in ahkpahyacl. (km 8/15 sra 1) Ahkkahlwemye nuh sel ke yohk srihpaciyen orekma in luti uh ac enenuh in ahkfahsryeyuck ke wik nuhkewa. (Php. 1:10) Sruhmuhn ma wo ac mwe ahkkweye ke acn in forfor an. (Php. 4:8) Ahkkweyacl in wi mwet elder suc liyacacng u in forfor uh orekma ac kuhtuh pac mwet lili sahyac an elan muh kuh in eis ma wo ke experience laltahl uh.​—Soa. 1:5; km 10/12 sra 6 par. 3

• Tukun mwet lutlut se lom ingacn bacptaislac tari, nikmet tui in ahkkweyacl ac ahkpahyacl ke orekma in luti uh, yohkna el fin soenna ahksahfyelah puk se inge “Luhngse luhn God.”​—km 12/13 sra 7

• Oruh sramsram lom an in fihsracsr ac kahlwem ke pacl ma kom wi sie mwet lili sasuc ke orekma in luti uh. Tukun kom lohng tari mwe sramsram lal an, sang kahs in kaksak nuh sel. Sang kahs in kahsruh ma ac kuh in kahsrel in kuh in oraclah wo ke orekma in luti lal an.​—km-E 5/10 7