Ahkkapye Ohiyen Forfor Lasr​—Ahkkweye Mwet Suc Luhngse in Lohng in Wi ke Toeni uh

EFUH YOHK SRIHPAC: Toeni lasr uh use pacl wo nuh sesr in ‘kaksakihn Jeova’ ac ‘yuck on nuh sin Jeova.’ (Psa. 149:1) Ke acn in toeni uh, lutiyuck kuht in oruh ma luhngse luhn God. (Psa. 143:10) Mwet suc luhngse in lohng ac mwet lutlut ke Bible uh pa kwacna oasr kapwack la ke pacl se eltahl muhtwacwacack in wi ke miting uh.

OREK FUHKAH:

• Suli mwet ke pacl na sa. Kom tiac enenuh in soano ne ke kom muhtwacwacack lutlut Bible nuh seltahl.​—Fwack. 22:17

• Ahkuhtweyac nuh sin mwet suc luhngse in lohng an lah meac el ac kuh in lohng kuh liye ac lah meac ac fah sramsramkihnyuck ke toeni se tok uh. Kuhtuh pac ma ac kuh in kahsrel an pa inge: mwe solsol nuh ke toeni luhn congregation uh, video se inge pahngpahng Meac Orek ke Lohm in Toeni uh?, ac mwe lutlut ahklihmekohsr ac ahkitkohsr ke mwe rit se inge Jehovah’s Will

• Sang kahsruh. Yac mwet suc luhngse in lohng ingacn el enenuh mwe wiwac kuh sahp el enenuh kahsruh in sulaclah kain in nuknuk ma fal elan nukum? Muhta siskacl ke pacl in toeni uh ac sang elan wi kom orekmakihn mwe rit nuhtum an. Kahsrel in ohsun nuh sin kuhtuh mwet sahyac in etwacl