Fahsr Liki Ohiyac Inge Ke Pacl Kom Lutlut Bible Yurin Sie Mwet

Sramsram Puhslac: Nik kom nuhnkuh muh kom enenuh in ahkuhtweyac ma nuhkewa. Jesus el orekmakihn kihsen siyuck in kahsruh mwet uh in nuhnak ac in kahlwem na pwacye ke mwe luti lal uh. (Mt. 17:24-27) Kihsen siyuck uh oruh lutlut uh in pwacr ac mwe engan. Ac ma inge kuh pac in kahsre kom in akihlen lah meac mwet lutlut lom an kahlwem kac ac luhlahlfongi uh. (be-E sra 253 par. 3-4) Ke pacl ma kom kihsen siyuck uh, mongfihsracsr ac soano top lal uh. Fin sie mwet lutlut el tahfonglac ke top lal uh, kahsrel in konwacack top na pwacye an ke kom siyuck kuhtuh pac kihsen siyuck sahyac an ac tiac sifacna tohpohklah kihsen siyuck an. (be-E sra 238 par. 1-2) Kom in sramsram nuh sin mwet lutlut ke inkacnek ma el kuh in kahlwem ac sruokyac mwe lutlut sasuc​—be-E sra 230 par. 4.

Oruh in Fohsack: Taran kom in tiac srihke in ahkuhtweyac ma nuhkewa ma kom etuh ke sifac sacn. (Jn. 16:12) Lohacng na nuh ke ma yohk srihpac ke paragraph an. (be-E sra 226 par. 4-5) Mwe ahkuhtweyac uh, finne ma ac puhrakack nuhnak uh ac kuh in oruh tilac kahlwem mwe lutlut yohk kac an. (be-E sra 235 par. 3) Pacl se na ma mwet lutlut sacn kahlwem tari ke ma yohk srihpac an, som nuh ke paragraph se tok an.

Sramsramkihn Koanon Mwe Rit An Muhkwena: Finsrak lasr uh pa in sun insiacn mwet, tiac in ahksahfyelah muhkwena mwe lutlut inge. (Lk. 24:32) Orekmakihn kuhiyen kahs luhn God uh ke kom lohacng nuh ke fuhs ma sramsramkihn yohk ke mwe lutlut sacn. (II Cor. 10:4; Heb. 4:12; be-E sra 144 par. 1-3) Orekmakihn kahs in puhpuhlyuck ma fihsracsr. (be-E sra 245 par. 2-4) Nuhnkuh ke ma upac ac luhlahlfongi luhn mwet lutlut sacn ac orekmakihn mwe lutlut ma ac fal nuh sel. Siyuck kihsen siyuck inge: “Meac kom puhla ke ma kom lotwelah inge?” “Meac ma inge luti nuh sesr kacl Jeova?” “Ma wo fuhkah kom liye muh ac kuh in tuhkuh ke kuht orekmakihn kahs in kahsruh inge?”​—be-E sra 238 par. 3-5; sra 259 par. 1.