“Kahs Inge . . . Fah Oan Insiom”

Pahpah ac ninac uh oacna mwet liyacacng sheep. Eltahl enenuh in karihngihn ahkwoyac tuhlihk nahtuhltahl uh, tuh eltahl in tiac tuhlac ac ahkkulukyeyuck. (Soakas 27:23) Pahpah ac ninac uh ac ahkpwacyeye fuhkah kunohkohn laltahl? Eltahl enenuh in oraclah pacl ke kais sie lwen in sramsram nuh sin tuhlihk nahtuhltahl uh tuh eltahl in etuh ma oan ke nuhnak ac insiacltahl uh. (Soakas 20:5) Oacyacpac, pahpah ac ninac uh enenuh in orekmakihn kuhfa in muhsah ma ac tiac kuh in fihrihryak ac in ahkkweye luhlahlfongi luhn tuhlihk nahtuhltahl uh. (Sie Corinth 3:10-15) Video se inge “These Words . . . Must Be on Your Heart” ahkkahlwemye lah arlacna yohk srihpac in oruh lutlut luhn sucu pacl nuhkewa. Tuhkweni liye video inge ac tohkoh konwacack top nuh ke kais sie kihsen siyuck ten inge.

(1) Meac pwacnacng Brother Roman ac sucu lal uh tilac lohacng nuh ke orekma pucspucs ma ahkinsewowoye Jeova? (2) Efuh kuh tiac fahlac wo kwacfeacng lal Brother Roman in muhtwacwack oruh lutlut laltahl ke sucu? (3) Kahs in kahsruh fuhkah ke Bible kol nuh ke inkacnek se ma wo emeet in tuhfahlah tuhlihk uh? (Deuteronomy 6:6, 7) (4) Meac ac kuh in kahsruh sramsram luhn mwet nuhkewa in sucu uh? (5) Kain in mwe kihsac fuhkah tuhlihk uh enenuh sin pahpah ac ninac kiyacltahl uh? (6) Brother ac sister Barrow eltahl kahsruh fuhkah sucu lal brother Roman uh? (Soakas 27:17) (7) Meac kuhtuh ma ma sihfac ke sucu se el enenuh in ahkolah na meet kac tuh lutlut in ekuh luhn sucu laltahl uh in fahlac wo? (8) Meac Brother Roman el oruh in ahkwoye ohiyen moul in sucu lal uh? (9) Efuh kuh yohk srihpac in ahkfalye lutlut in ekuh luhn sucu uh pacl nuhkewa? (10) Meac kuhtuh mwe lutlut wo ma kuh in orekmakihnyuck ke lutlut in ekuh luhn sucu uh? (11) Brother Roman el ahkkahlwemye fuhkah ohiyen mongfihsracsr ac tu na kuh ke pacl se el kahsrel Marcus in kahlwem ke yohk srihpaciyac in oruh ma wo? (12) Brother ac sister Roman kahsrel Rebecca fuhkah ke asruoki kuh fototo lal nuh sel Justin? (Mark 12:30; Luo Timothy 2:22) (13) Brother ac sister Roman eltahl ahkkahlwemye fuhkah luhlahlfongi ke pacl ma eltahl ikihl kais kuhtuh ma ke moul laltahl uh? (Matthew 6:33) (14) Video se inge ahkkahlwemye fuhkah lah yohk srihpac sifen sucu in sang mwe enenuh luhn sucu ke fototo laltahl nuh sin God? (Sie Timothy 5:8) (15) Meac kom sulaclah muh kom ac fah oruh oacna sie sihfac ke sucu lom?

NUH SIN SIFEN SUCU NUHKEWA: Video se inge kihtakatlah nuh sin sucu nuhkewa ma wi ke Toeni Luhlahp ke 2014. Ke pacl se emeet ma kom liye video se inge, yac oasr ma kom akihlen muh kom enenuh in oruh in ahkwoye lutlut luhn sucu lom an liki meet ah? Ac fuhkah ingena? Ac fin oasr kuhtwena ma enenuh in eklac tok, nuhnak muhnahs siyuck Jeova ke inkacnek luhn puhruhe tuh kom in kuh in oruh ekyek ma ac wo ma ac fah kahsruh sucu lom uh in fototo nuh sin God.