Mwe Srihkasrak ke Mwe Sramsram

Tower in San August 1

“Kuht muhtwacta ke kihtin pacl in kahsruh mwet tuhlan lasr in kuhtanglah sie ma na upac ma inkaiyen mwet uh sun. Sie sin ma upac emeet ma kuht enenuh in muhtweng kac pa misac luhn sie mwet lasr. Yac kom insese? [Lwelah elan top.] Lohacng nuh ke wuhlelah se in Bible suc mwe ahkkweye na yohk. [Riti Fwackyuk 21:3, 4.] Bible uh use finsrak nuh sesr ke sie lwen ma mwet lasr suc misac tari uh ac fah sifwil moul. Mackuhsin se inge ahkuhtweyac nuh sesr lah ma inge ac sikyak fuhkah.”

Pweng Wo Sin God Me!

“Nga tuhkuh nuh inge in ahkkahlwemye lah arlacna fihsracsr in etuh meac God el ahkoo nuh sin mwet uh ke pacl fahsruh. Oasr pacl kom na nuhnkuh fin God el ac muh ahkwacngihnyelah mwe kweok lasr uh? [Lwelah elan top.] Mwe rit se inge ahkkahlwemye lah acn oyac in Bible kom ac kuh in konwacack top nuh ke kihsen siyuck se inge. [Sang nuh sel mwe rit sacn, ac riti paragraph se meet ke mwe lutlut se meet an, wekuhnacng Jeremiah 29:11.] Ke ma inge, yac kom nuhnkuh tuh fal kuht in luhlahlfongi muh God el ke in wo moul se kuht muhta kac ke pacl fahsruh uh? [Lwelah elan top.] Kom fin luhngse, kom kuh in eis mwe rit se inge. Pacl se tok ke nga ac fohlohk uh, kuht kuh in sramsram ke paragraph se ahkluo uh in konwacack top luhn Bible nuh ke kihsen siyuck se inge, ‘God el ac eslah fuhkah mwe kweok luhn mwet uh?’” Fin oasr pacl luhn mwet sacn ke sramsram se meet lomtacl an, kom kuh in riti ac sramsramkihn paragraph ahkluo ac fuhs tolu kac an. Oakiyac kom in sifwil fohlohk ac sramsram ke kihsen siyuck ahkluo ke mwe lutlut sacn.