Mwe Srihkasrak ke Mwe Sramsram

Tower in San July 1

“Ke srihpen puhs kain in mwe elyah ke moul ma kuht tiac etuh kac, yac kom nuhnkuh muh kahs lal Jesus uh kuh in kahsre kom in kuhtanglah mwe fosrngah uh? [Riti Matthew 6:25, ac sang pacl nuh sel elan top.] Tower in San se inge ahkuhtweyac lah fuhkah kahs in kahsruh ke Bible uh kuh in ahksrihkyelah mwe fosrngah pucspucs ma tuhkuh ke elyah luhn mani, fohs luhn sucu, ac mwe sensen na lom sifacna.”

Pweng Wo Sin God Me!

“Puhs mwet ma luhngse puhruhe, yohk na ke pacl ma eltahl sun ma upac. Yac oasr pacl kom puhruhe? [Lwelah elan top.] Kom nuhnkuh tuh God el lohng puhruhe nuhkewa, kuh oasr puhruhe ma tiac ahkenganyacl? [Lwelah elan top.] Mwe rit se inge ahkkahlwemye lah kuht ac konwacack fuhkah top luhn Bible nuh ke kihsen siyuck inge nuhkewa. [Sang nahtuhl sie, ac tuhkweni sramsramkihn paragraph se meet ke mwe lutlut ahksingucul luo ac ma suhmuhslah ma kom ac fah “riti” an.] Yac kom tiac engan lah God el ke lohng kuht? Tuhsruhktuh, kuht enenuh in etwacl God na pwacye tuh kuht in eis mwe insewowo nuhkewa ma tuhkuh ke puhruhe uh. [Olanglah nuh ke mwe lutlut ahkluo ac ahkkahlwemye sifac srihsrihk an nuh sel.] Kom fin luhngse, nga kuh in likiyac nuhtum mwe rit se inge, ac ke sie pacl sahyac, kuht kuh in riti top luhn Bible nuh ke kihsen siyuck na wowo inge.”

Pweng Wo Sin God Me!

“Nga tuhkuh mihsenge ke srihpen mwet uh nuhnkuh lah meac ac fah sikyak nuh facluh. Kom nuhnkuh tuh ohiyen facluh ac wolac? [Lwelah elan top.] Mwet pucspucs eltahl lut in etuh lah oasr pweng wo in Bible ma acse finsrak nuh sesr. Pa inge kuhtuh kihsen siyuck ma Bible uh tohpohklah.” Sang nuh sel mwe rit sacn, ac siyuck sel elan sulaclah sie kihsen siyuck ke acn tohkoh an ma el luhngse emeet. Na, kom olanglah nuh ke mwe lutlut sac ac ahkkahlwemye atacn lutlut uh. Oraclah oakwuck in sifwil fohlohk in sramsramkihn kihsen siyuck se tok ke mwe lutlut sacn.