Ahkkapye Ohiyacn Forfor Lasr ke Oakwuck in Kihte Magasin nuh sin Mwet Ma Luhngse Eis ke Mahlwem Nuhkewa

Efuh Yohk Srihpac: Puhs mwet engan ke riti magasin nahtuhsr uh tuhsruhktuh tiac ke lutlut Bible. Sahp eltahl insewowo tari ke alu laltahl uh, kuh eltahl puhla muh wacngihn pacl laltahl in lutlut. Finne ouinge, ke eltahl kwacna riti magasin nahtuhsr uh, eltahl ac kuh in muhsaheack sie kena nuh ke kahs luhn God. (Sie Peter 2:2) Sahp oasr mwe lutlut se ma kuh in sun insiacltahl, kuh sahp ohiyac ma el oasr kac kuh in eklac. Muhtwacta fototo ma kwacna orek ac kahsreltahl in pahlah sesr ac kahsre kuht pac in etuh ma eltahl luhngse ac nuhnkuh yohk uh. Ke sie pacl, sie lutlut ke Bible ah kuh in muhtwacwack.

Orek Fuhkah:

Ke kais sie mahlwem, oakiyac pacl kom in us magasin sasuc ke Tower in San nuh yurin mwet sacn. Sahp kom kuh in muhtwacta yohrohl ke sie pacl sahyac ke mahlwem sacn pacna in ahkyohkye pwacr lal in riti sie mwe lutlut ke magasin se kom fihliyac an kuh in sang sie mwe rit suc kihtakat ke mahlwem sacn. Suhmuhslah in wo ac kahlwem ma nuhkewa.—Liye Orekma Luhn Tohkohsrahi lasr ke January 2014, sra 3.
Ahkolah nuh ke kais sie fohlohk lom. Srihke sramsram nuh sin mwet in lohm sacn ac kawuckyak nuh sel liki na kom in sislah muhkwena magasin an yohrohl, ke inkacnek se inge kom kuh in ahkyohkye luhngse lal.
Lohacng nuh ke pacl wo nuhkewa lom in muhtwacwack lutlut Bible nuh sel. Sie mwet ma oasr ke oakwuck lom in kihtakat magasin el fin siyuck sum ma Bible uh fahk ke sie sihfac, sang sie mwe rit suc orekmakihnyuck ke lutlut Bible suc oasr top kac uh ac tuhkweni sramsramkihn. Meet liki kom som siyuck sel sie kihsen siyuck ma kuhpahsr nuh ke sramsram lomtacl an, suc kom ac kuh in sramsram kac ke fohlohk se tok uh. Kom fin kwacna som ac tahklac wo sramsram lom nuh sel ke kom orekmakihn Bible uh kuh sie mwe rit nahtuhsr, kahlwem tari lah kom lutlut Bible nuh sel. Yac kom nuh sang tari mwe rit se inge Good News ac luhmahlah atacn sie lutlut Bible na fototo? Yac kom nuh ahkkahlwemye nuh sel tari video inge Efuh Kom in Lutlut ke Bible? ac What Happens at a Bible Study? Mwet se el finne tiac ke lutlut meet, ma uh kuh in eklac. Sahp wo kom in sifwil srihke.

Srihke ke Mahlwem Inge:

Suhmuhslah inen mwet nuhkewa ma kom kuh in oruh oakwuck in kihtakat magasin nuh se ke mahlwem nuhkewa. Sang nahtuhltahl magasin sasuc ke mahlwem sacn, ac fahk nuh seltahl lah kom ac use nahtuhltahl magasin nuh ke mahlwem se tok uh.