Ahkkapye Ohiyacn Forfor Lasr ke Kuht Sang Ma Loh Ke Inkacnek luhn Intercom

Efuh Yohk Srihpac: Sahp upac nuh sesr in sang ma loh ke inkacnek luhn intercom. Meac kuht enenuh in oruh tuh in tiac muhnahslah moniyuck lasr ke orekma wo uh? Esam lah nuh sin kuhtuh mwet uh inkacnek sefanna in ahkkahlwemye pweng wo uh pa in sang ma loh ke inkacnek luhn intercom. Ma sikyak uh ahkkahlwemye lah pa inge inkacnek wo in sang ma loh. (Rome 10:14) (Liye 2011 Yearbook, sra 65-66, ac 2000 Yearbook, sra 54, paragraph 3.) Nuhnkuh ke kuhtuh kahs in kahsruh inge.

Orek Fuhkah:

Ahkolah sie mwe sramsram fototo ah, ac suhmuhslah ma kom in kuh in riti nuh sin mwet in lohm ke inkacnek luhn intercom. Ma inge ac kuh in ahkpuhlaikye kom. Ke muhtwacwackiyac an, ahkuhtweyac srihpen tuhkuh lom an. Orekmakihn inen mwet in lohm sacn fin ahkkahlwemyeyuck ke directory. Ahksahfye ke kom sang (kuh fihliyac ke sruhnguhl luhn mwet sacn) mwe rit srihsrihk kuh magasin se suc ac fah ahkuhtweyac mwe lutlut kac.
Sruokyac sie nuhnak wo. Isracsr ac orekmakihn poum oacna ke kom sramsram ye muhtuhn mwet sacn.
Relax ac sramsram in wo. Oruh in kahlwem sramsram lom uh ac puhsrem in ma na fal. Srihke kom in tiac tui ke pacl tiac enenuh, tuhsruhktuh tiac sramsram pihsrpihsr.
Oruh sulaclah ma wo. Ke lohm luhlahp ma puhs infuckihl kac, sahp puhkantwen intercom kac. Sahp kom kuh in toanyac tolu kuh ahkosr sin intercom ke lohm, ac suhmuhslah acn kom sahflah kac an fah kom som. Mwet ma muhta ke lohm twek ingacn ac kuh in sensen fin kuht tu pahtlac ke lobby laltahl in pahngon mwet nuhkewa ke intercom.

Srihke ke Mahlwem Inge:

Ke pacl in tuhkweni lutlut luhn sucu lom ke Bible, mwet ma wi an in forlah liki sie sin sie ac tiac aliyei ke eltahl oruh mwe ahkpah.