Kihsen Siyuhk Ke Pok

◼ Meet liki sie mwet forfor suc soenna pacptaislac el fal nuhke pacptais, pacl ekahsr el enenuh in wi miting luhn congregation ac orekma in forfor?

Sulaclah se ma yohk srihpac emeet ma sie mwet ac oruh pa pacptais. Pwacnacng, meet liki sie mwet el fal nuhke pacptais, enenuh in oasr etauck fal yohrohl nuhke meac God el luhngse elan oruh. Wekuhnacng ma inge, el enenuh in ahkkahlwemye tari in moul lal lah el kacfweacng in moul fal nuhke luhngse luhn God.

Kihristin uh sapkihnyuck in tiac fuhleack tuhkweni lalos, pwacnacng sie mwet forfor suc soenna pacptais el enenuh in ahkkahlwemye tari lah el moniyuck in wi miting luhn congregation. (Hebrew 10:24, 25) Oacyacpac elac enenuh in wi top. Oayacpac elac wi tari Lutlut in Oruh Ma Luhngse luhn God, fwinne ma inge tiac enenweyuck in pacl sac.

Oayacpac, ke srihpen sapkihnyuck elos in forfor fahkwack pweng wo ac oruh mwet uh in mwet tuhma lutlut, sie mwet forfor suc soenna pacptaislac enenuh in kwacna wi forfor meet liki el oruh ma inge. (Matthew 24:14; 28:19, 20) Mahlwem ekahsr el enenuh in wi orekma in forfor meet liki el kuh in pacptais? Kahlwem lah el enenuh in oraclah pacl fal in ahkkahlwemye lah el luhngse in wi forfor ac moniyuck kac ke mahlwem nuhkewa. (Psalm 78:37) Tuhsruhktuh, tukun el muhtwacwacack wi forfor, tiac enenuh in soano ke lusen pacl loeloes elan fal nuhke pacptais, sahp mahlwem ekahsr na pa enenweyuck. Ao ekahsr el enenuh in oraclah ke ripohrt lal? Wacngihn masap oreklac. Elder uh enenuh in nuhnkuh ke kais sie mwet forfor suc soenna pacptaislac ac ahkkahlwemye sulaclah fal ac wo.—Luke 21:1-4.

Elder uh (kuh Mukul lili suc kahsruh mwet elder ke sie congregation ma suhpuhs elder we) suc ohsun nuh sin mwet se ma luhngse in pacptaislac ah, enenuh in esam lah mwet nuhkewa tiac oacna sie, ac elos enenuh in orekmakihn lahlmwetmwet lalos in liye fwin mwet sac fal nuhke pacptais. Elos ac luhlahlfongi muh mwet sac el luhngse na pwacye in oruh sie mwet Loh Luhn Jeova ac elan ahkkahlwemye kuloh lal nuhke pacl wo in asruoki nuh sin u luhn Jeova ac in wi orekma in forfor. Elder uh kahlwem kac lah mwet sac el soenna oasr etauck lal oacna sie mwet forfor suc oruh orekma inge ke pacl loeloes. Fwin mwet elder elos nuhnkuh muh mwet sac soenna fal nuhke pacptais, ke kuhlwacng, elos enenuh in orekmakihn Bible in ahkkahlwemye srihpen sulaclah lalos ac sang kahsruh nuh sel.