Yac Kom Ahkolah Fin Oasr Ma Elya Yohk ke Oakwuck lun Ono Sikyak?
Sie ma elya yohk ke oakwuck luhn ono kuh in sikyak ke pacl sa ac ke pacl suc kuht nihkihn. (James 4:14) Ke ma inge, sie mwet lahlmwetmwet el fah ahkolah wo pacl nuhkwewa. (Soakas 22:3) Yac kom orwaclah tari sulelah lom lah piyac oakwuck ac inkacnek ke ono in unwela mas kom fah eis ac suhmuhslah sulelah lom inge? Oasr video se pangpang Inkacnek Puhspuhs in Karihngihn Mwet Mas Sahyen in Ituhk Srah—Sun Ma Enenuh luhn Mwet Mas ac Ahkpwacyeye Suwohs Lalos Kac (Transfusion-Alternative Health Care—Meeting Patient Needs and Rights), mwe luhmahlah ahkluo kac suc oasr ke sifac se inge Transfusion-Alternatives—Documentary Series, oreklac in kahsre kom. Ke pacl se kom liye ma inge, srihke liye fin kom kuh in topuk kihsen siyuhk puhspuhs toko inge. Ke srihpen video se inge oasr pac petsac fototo ke laslas ke monun mwet, pwacnacng pahpah ac ninac elos enenuh in orekmakihn lahlmwetmwet ke pacl se elos liye video se inge wi tuhlihk srihsrihk nahtuhlos.
(1) Efuh kuh kuhtuh sin mwet suc karuhnganacng mwet mas ke inkacnek luhn ono elos sifil nuhnkuh ac tuni fin fahl kuh tiyac fahl in orekmakihn srah nuh sin mwet mas? (2) Sang mwe puhpuhlyuhk tolu ke laslas upac suc elos oruh ac tiyac orekmakihn srah. (3) Efuh kuh tausin puhspuhs sin taktu fin facluh nohfohn elos luhngse in tiyac orekmakihn srah nuh sin mwet mas ke pacl in ono? (4) Meac mwe lutlut suc lohm ono puhspuhs tuhfahna orek ahkkahlwemye ke orekmakihnyen srah? (5) Kain in mwe sensen fuhkah tuhkuh ke orekmakihnyen srah? (6) Meac taktu puhspuhs elos fahk ke mwe insewowo puhspuhs suc tuhkuh ke akwuk wowo sahyac in sang aolla srah ke inkacnek in ono? (7) Meac pwacnacng sie mwet el anemia, kuh srahn mwet arlac srihklac, ac meac kuh in orek in kahsruh sie mwet suc oasr anemia? (8) Oreklac luhn red-cell ke monun met mas ku in ahksayeyuhk fuhkah? (9) Kain in oakwuck wowo fuhkah kuh in orekmakihnyuhk ke pacl in laslas in ahksrihkyelah srah suc sohrohrlah liki monun mwet mas se? (10) Yac mwe ayaol nuhke srah kuh in orekmakihn pac nuh sin tuhlihk srihsrihk, kuh nuh sin mwet suc moul lalos oasr ke mwe sensen yohk? (11) Meac sie oakwuck wo emet ke ohiyacn fal ac suwohs ke orekma in sang ono?
Ke srihpen sulelah in eis kuhtuh oakwuck in ono suc ahkkahlwemyeyuhk ke video el ma nuh sin kais sie mwet fal nuhke conscience lalos, pwacnacng lwelah kom in tiyac soano nuhke pacl se oasr ma upac sikyak nuh sum met liki kom sulelah lah ma fuhkah kom fah eis kuh kom fah tiyac eis. Sapta 7 ke buk se inge Luhngse luhn God (God’s Love) ac mwe rit puhspuhs suc ahkkahlwemyeyuhk kac, oacyacpac insert ke Orekma Lun Togusrai Lasr ke mahlwem luhn November 2006 fah kahsre kom in oruh sulelah na wowo kac. Tukun ma inge, kom fin baptais tari, ahkkahlwemye sulelah lom ke DPA card, ac us card se inge pacl nuhkwewa.
[Mwe ahkuhtweyac srihsrihk ke sra 3]
Yac kom orwaclah tari sulelah lom lah piyac oakwuck ac inkacnek ke ono in unwela mas kom fah eis ac suhmuhslah ma inge?