Jisus—Mea Metu Fwakak Kel
“Jisus lun Nasaret . . . el eteyuk yok ke me sramsram lun fwalu.”—H. G. Wells, met sim ke me sramsram lun an England.
“Kraist el pengpeng a eteyuk . . . liki met pengpeng puspus ke me sramsram matu lun fwalu.”—Philip Schaff, met sim ke me sramsram lun fwalu a met luti ke alu su isusla fwin an Switzerland.
SU MET se fwal in pangpang met yok a pengpeng emeet su moul fwin fwalu nufon? Fuka pengpeng lun sie met ku in srikeyuk? Ya ke furowosr in meun lal? Ya ke ku lun manol? Ya ke lalmetmet lal? Ku ya fwal in srikeyuk ke mwo a kalemiyen me luti lal a ke ku a mwoiya in mokle metu a in oakiye me srikasrak nu sin metu?
Loang akmwoye nu ke met su oru sramsram matu lun fwalu, scientist puspus, met lalmetmet lun fwalu, met kol puspus lun politic, a kutu pa met saye—in pal somla a ke pal inge—elos fwakak ke met se inge su tuku liki an Nasaret, Jisus Kraist:
“Tusruktu, enenu in oasr sukok yok orekla, in sang akpayeye me lain nu ke ku a pengpeng se emeet se inge, tia nu ke yea tausan luo somla inge mukena a nu ke sramsram matu nukewa lun metu, su kalem tari kel Jisus lun Nasaret.”—Reynold Price, met sim fwin an Merika a sie met su oasr lutlut yok ke Baibel.
“Sie met su nasnas a wangin meta su sifwana esalang in kisakunulla ke inkanek lun me kise in molela moul lun met puspus, wekunang met lokwalok nukewa lal a el ekla met lango nu sin fwalu nufon. Akwuk se inge el sie inkanek mwomwo.”—Mohandas K. Gandhi, met kol lun politic a sie met kol lun alu fwin an India.
“In oana sie tulik, nga eis lutlut luk ke kewana Baibel a Talmud. Nga sie met Ju, tusruktu nga engan a loang yok ke oiya mwolana puspus su akkalemyeyuk sin met Nasaret se inge.”—Albert Einstein, sie scientist su isusla fwin an Germany.
“Jisus Kraist, su el nu sik, el sie met pengpeng a eteyuk yok pal nukewa, ke sramsram matu nukewa lun fwalu, a eteyuk el oana Mwen nutin God, a eteyuk pa oana Mwen nutin Met. Ma nukewa El fwakak a orala yoklana me kasru mwomwo ka nu sesr misenge, a pa inge ma yoklana a pengpenglana su kom ku in akkalemye ka la wangin kutena met, su moul ku mise eteyuk ka.”—Sholem Asch, sie met sim fwin an Poland a kas lal inge akkalemyeyuk in me rid se inge Christian Herald; kas nukewa simla ke italics ma lun met sim.
“Ke lusen yea tolngoul limekosr in moul luk nga, insese nu ke kas inge, la wangin sie met fwa lulalfongi ke ma tia paye. Tokin yea limekosr somla nga mutamwauk in lulalfongi na paye kel Jisus la paye el oasr. Nga filiye lulalfongi na paye luk ke me luti kel Jisus a moul luk nukewa arlana pusrpusr in ekla.”—Count Leo Tolstoy, novelist a met lalmetmet fwin an Russia.
“Moul lun (Jisus) pa me kasru na paye a mwo nu ke moul nukewa fwin fwalu a fwako mwomwo ka ke lusen sramsram lun fwalu srakna yok me kasru mwo tuku ka.”—Kenneth Scott Latourette, met sim ke me sramsram lun an Merika.
“Ya fwal kut in lulalfongi mu sramsram lun fwalu ke moul lal Jisus el sramsram in pihlenfong se? Met kawuk luk, paye la, me sramsram kel el ma paye a tia me sramsram in pihlenfong. Tusruktu, ke me sramsram kel Socrates, su wangin kutena met selulalfongi ka, fwinne wangin me akpayeye puspus ka, su tia oana ke me sramsram kel Jisus Kraist su oasr me akpayeye puspus.”—Jean-Jacques Rousseau, sie met lalmetmet fwin an French.
Arlana sumwos a paye la, fwin oasr sapkinye in orekmakinyuk oiyen moul lun sie met nu ke oiyen moul lun metu, wangin kutena me alolo ka la moul lun Jisus Kraist pa enenu in orekmakinyuk. Poul, el sie met lalmetmet ke century se meet su suleyukla sin Jisus in met tuma lutlut Lal a in som fwakak nu sin mutanfwal nukewa kel, a kaifwe kut pa in “ngetak” nu sin Jisus. (Hibru 12:2; Orekma 9:3) Mea Jisus el ku in luti kut ke oiyen moul? Fuka oiyen moul lal ku in kasre kom?