“Nga Lungse Ma Inge Tari!”

David, el sie met Kristian elder in an United States, el lungse in wi mutan kiyel a tulik natulos ke orekma in luti len nukewa. El orala akwuk nu ke orekma in part-time ke company se su el orekma ka, a el mutamwauk in oru orekma oana sie regular pioneer. Ya ma ekla inge sang kalmeye nu ke moul lal? Ke kutu malem tok, David el simusla nu sin met kawuk se lal: “Wangin kutena me akinsemwomwo yok liki in wi ke inkanek yok in kulansap nu sin Jeova yurin sou luk. Nga nunku na paye sik mu ma inge enenu in orek ke lusen kutu pal nu sik meet ngan pula la fuka oiyen orekma lun pioneer, tusruktu Nga pulakin tari ke lungse yok luk nu ke ma inge! Ma inge me akinsemwomwo na paye.”