Kain in Lungse Su pengpeng Emeet

PAL NU kemwa ke Ma Simusla lun Kristian Greek, ku Testament Sasu, kas se inge su langasyukla nu ke “lungse” el tuku ke kas Greek inge a·gaʹpe.

In aketeye kalmen kas se inge, reference work inge Insight on the Scripturesa el fwak: “[A·gaʹpe] el tia tuku ke ma sie met el pula, ku ke sripen futoto lal nu sin kutu met, oanu kutu met elos nunku ke lungse, a ma inge el sie kain in lungse nasnas nu sin kutu met ke sripen ma sap, kunokon, a akmwuk, el oaru in suk insemwomwo lun kutu met fwal nu ke ma sumwos. A·gaʹpe (lungse) el kutangla liki srunga inmaslon sie sin sie, a el tia lela srunga in oru sie met in pilesru ma sap a akmwuk sumwos nu kemwa a in suk foloksak.”

Toeni nu ke A·gaʹpe pa pulakin yok ke ma se. “Komwos in akkalemye lungse yok [a·gaʹpe] nu sin sie sin sie,” met sap Piter el sapkin nu sesr. (1 Piter 4:8, NW) Ke ma inge, arulanu fwal in fwak la a·gaʹpe el tuku ke inse a nunuk. Efu ku kom tia loang nu ke kutu fus in Baibel su akkalemye ku a lupan lungse se inge su arulanu pengpeng? Kutu fus toko fwa ku in kasru kom: Mattu 5:43-47; Jon 15:12, 13; Rom 13:8-10; Efesus 5:2, 25, 28; 1 Jon 3:15-18; 4:16-21.

[Footnote]