Kaifweung Su Akkeye Akmwuk Fulat lun Oiye Mwo

Ke kapun yiu 2001, elos nu kemwa su loang nu ke Radio Mozambique’s national broadcast elos long me fwakak inge:

“President lun Republic lasr el muteta nu ke ofus lun Met Lo lun Jeova in an Maputo. El akkeye alu lun Met Lo lun Jeova in akkapye kaifweung lalos in akkeye akmwuk ke oiyen moul nasnas inmaslon sou a ke lutlut su elos oru nu sin met matu ke inkanek lun literacy program lalos. Apkurun nu ke 10,000 met elos eis ma lane ke program inge. Fwal nu ke ma President Chissano el fwak, kain in program inge enenu in eis kaksak meyen ma inge sie me kasru yok nu sin met in aksumwosye ma upa ke lutlut su srakna ku in konoiyukyuk ke an inge.”

Me fwakak inge el tafwela wikin me sramsram lun president su elos filiye ke record: “Sie me akkeye na paye sesr in liye la met puspis elos akkalemye insemwomwo in etu rid a sim. Ma inge akkalemye nu sesr la met in an sesr elos fwa akesrui in kutangla liki munas lun met ke rid a sim. Ke ma inge, Nga lungse in kaifwe nu sin Met Lo lun Jeova in kaifweung ke program lalos in luti kutu met in rid a sim ke kutena kas. Ma yok pa oasr lutlut in eis etauk ke rid a sim a met nu kemwa elos ku in sramsram mwo nu sin sie sin sie a ke pal fwasru elos ku in akesrui yok ke lutlut.”

Met Lo lun Jeova in an Mozambique elos oakiye literacy classes in an 850 in kasru met puspis in rid Kas lun God. Sayen ma inge, elos luti met ke Baibel ke wangin molo ke kais sie wik su piselos oasr ke 50,000. Ma inge nu kemwa ipen orekma lalos fwin fwalu nu fon in luti met ke Baibel su ke pal inge sun tari an 235. (Mattu 24:14) Kom ku in eis pa ma lane su tuku ke program inge. Nunuk munas osun nu sin Met Lo lun Jeova in an sum.