Sie Me Lutlut Su Tuku ke Mwon Stork
“AOK, MWON stork yen engyengu—etu pal pakiyuki la . . . A met srak, elos tia etu ma sap lun Jeova.” (Jeremaia 8:7) Ke kas inge, met palu Jeremaia el sulkakin nununku lun Jeova lain met koluk lun an Juda, su som liki Jeova God lalos a alu nu sin God lun met saye. (Jeremaia 7:18, 31) Efu Jeremaia el orekmakin mwon stork oanu sie me lutlut nu sin met Ju suoaru?
Nu sin met Israel nu kemwa, mwon stork, a yokna mwon stork fwasrfwasr, elos liyeyuk pal nu kemwa ke pal se elos soksok yen engyengu ke an lalos. E Hibru su orekmakinyen nu ke mwon lulap inge su loes nie pa sie kain in kas na mwomwo su ku in kalmekin “sie su oaru; sie su oaru in lungse.” Kas se inge arulanu fwal, meyen tia oanu mwon saye, mwon stork luo fwasrfwasr mokul a mutan elos tia fwasrelik ke lusen moul lalos nu fon. Tokin elos muteta a muta ke sie an fol ke pal in musresr, mwon stork el foloko nu yen selos yiu nu ke yiu, pal nu kemwa ke ang siefwunnu su elos orekmakin pal nu kemwa.
Oiye mwolanu lun stork akkalemye oaru ke siepa inkanek sakuruk. Kemwanu, mwon mokul a mwon mutan inge elos tukeni akesrui in muta ke atro lalos a in kitakut me mongo nu ke mwon srisrik nutulos. Buk inge Our Magnificent Wildlife el aketeye: “Oanu papa a nine mwon, mwon stork arulanu oaru sie sin sie. Sie mokul stork in an Germany el soksok a sremla ke sie wire lun sarom su arulanu fukoko na pa el mise. Mutan stork el tafwela in mukena muta ke atro nutul ke lusen len tulo, kais kutu pal ke lusen pal futoto na el som liki ang nutul in suk mongo nel. . . . Ke siepa ma sikyuk, ke pal se mutan stork el mise ke sripen sie met likisrikel, mwon stork papa el liaung a kuruanganang mwon srisrik nutul.”
Paye, ke pal se elos akkalemye oaru nu sin sie sin sie a nu sin mwon srisrik nutulos, mwon stork el akkalemye la el moul fwal nu ke kalmen enel—“sie su oaru.” Ke ma inge, mwon stork el sie me lutlut yok nu sin met Israel suoaru a likekke.
Met puspis ke len inge, elos nunku la oaru a orekma sumwos tia fwal nu ke len lasr—sie kain in orekma su fwal in eis kaksak tusruktu tia mwo. Fwasrelik lun divorce, papa ku nine su kaengla liki sou lalos, pusrapasr a kutupa orekma kutasrik akkalemye la met puspis elos tianu aksaokye oaru. Ke inkanek saye, Baibel el arulanu akfulatye oaru su tuku ke lungse a kulang. Ma inge sie me akkeye nu sin met Kristian in “nukomang met sasu, su fwal nu sin God orekla tari in sumwosmwos a mutal lun oaru.” (Efesus 4:24, NW) Aok, met sasu inge kasre kut in oaru, tusruktu kut ku in lutlut pa ke oaru lun mwon stork.