Meun Lain Moul Sikaksrup Sie Meun Su Kut Tia Ku in Kutangla?

MET tourist su muteta nu United Nations in an New York City elos liye infwokil se inge Economic and Social Council Chamber, wikin pipe ke kof a sarom a ducts ke ceiling lun public gallery. Tour guide ke muteta el aketeye: ‘Cieling se inge su sonna tari su pal nu kemwa kom ku in liye sie me akul in akismakinye kut la orekma lun United Nation ke economic a social work tia ku in safla ke kutena pal; srakna oasr ma enenu in orek in akkapye luman moul lun fwalu.”

Fwinne Council se inge arulanu kafofo ke orekma mwo in orala sie kain moul mwomwo nu sin met nu kemwa, tusruktu kunokon lal inge wangin saflaiye. Sie me engun, meyen ke pal in orekma lun forfor lun Jisus fwin fwalu ke century se meet C.E., el fwak: “Ngun lun Jeova on fwuk, tu el mosweyula in luti mwosasu nu sin met sikasrup.” (Luk 4:18) Mea “mwosasu” se inge su el luti? Pa inge peng mwo lun Togusrai la, Jeova God el ekla “sie nien ku nu sin met sikasrup in . . . ongoiye lal,” a el filiye Jisus Kraist oanu sie Togusra. Mea Togusrai se inge akola in oru? Isaia el palye: “Jeova lun un met meun el fwa oru nu sin mutanfwal nu kemwa . . . sie kofwo in ma fat, sie kofwo lun wain fwin mes, in ma fat seselosla ke maro, lun wain fwin mee arulanu aknasnasyeyuk. El nuna okomla mise nu tok; a Leum Jeova el fwa ela sroninmet liki muta nu kemwa.”​—Isaia 25:4-6, 8.

Ya kom lungse in akyokye etauk lom la fuka Togusrai lun God el “akkapye luman moul lun met fwin fwalu,” tu in wanginla met enenu? Srike liye ten, fuka kom ku in eis sie met luti fwal in oru muteta lal nu yurom in akkalemye mea Baibel el fwak ke ma se inge.