Me Yun Lu Pa Saok Nu Tok Ma Patpat

“SIE MOKUL FWUSR EL SRIKEYE OASKU NU KE OREKMA MWO,” PA INGE MA SIE MET KRISTIAN MATU OARU EL FWAK.

Aok, ke lusen pal loeloes metu loang yok ke oasku su ku in liyeyuk, su pal nu kemwa kol nu ke sulela koluk lun orekmakinyen oasku. Tusruktu, Met Orekutla, el liye kut ke ma oasr lu fwinne mwo ku koluk ma oasr lik. Ke inkanek inge el oakiye sie me srikasrak mwo ke nununku sumwos. Fwal nu ke ma simusla in Baibel, God el fwak: “Tu God el tia liye oanu metu liye, tu metu liye likin met, a Jeova el liye inse.”​—1 Samuel 16:7.

God pa Sropon kato paye lun met, a Kas lal akkalemye la fwin tuniyuk na paye oiyen sie met, oiye lal ke ma lun ngun pa yok emeet. Baibel el fwak: “Kulang me kutasrik, a oasku ma losrongten; a sie mutan su sangeng sin Jeova, el fwa kaksakinyuk.” (Soakas 31:30) Paye, oasku lun sie met ku in afwunye oiyen koluk in el. (Esther 1:10-12; Soakas 11:22) Oasku lun sie met ku in wanginla sie pal, tusruktu kato lun oiyel​—ke oiye mwo lun insiel—​ku in kapak a on nu tok.

Ke ma inge sie inkanek lalmetmet na paye pa in akkapye kain in oiye mwo oanu, lungse, engun, misla, mongfwusesr, kulang, oiye mwo, lalalfongi, fwokpap, a sifwanu leum fwom! (Galetia 5:22, 23) Ke ma inge kut ku in eis mwolanu lasr su arulanu saok su ku in on nu tok ma patpat.​—1 Piter 3:3, 4.